रेडीमेड कपडा के निर्माण ले खुलिस रोजगार के सुगम द्वार

रायपुर, 29 जून 2023
छत्तीसगढ़ सरकार प्रदेश म रोजगार, स्व-रोजगार के अवसर बढ़ाए के दिशा म सरलग काम करत हे। खास कर के अइसे क्षेत्र मन म जिहां रोजगार के कोनो अवसर उपलब्ध नई रहिस हे, उहां आज स्थानीय स्तर म नियमित रोजगार के रास्ता खुले हावय। ए क्षेत्र म अब हर वर्ग के लोग मन आर्थिक रूप ले मजबूत होवत हे। ए दिशा म पहल करते हुए सरकार गौठान मन म रूरल इंडस्ट्रियल पार्क (रीपा) बनात हे, जे स्थानीय संसाधन के उपलब्धता के संग क्षेत्रीय सहभागिता ले उद्यमिता ल बढ़ावा देवत हे।
बालोद जिला के ग्राम मार्री बंगला म स्थापित रूरल इंडस्ट्रियल पार्क म रेडीमेड वस्त्र के निर्माण ले महिला समूह ल न केवल रोजगार मिलत हे, बल्कि उमन के बने आमदनी घलो होवत हे। महिला मन द्वारा सुरू करे गए रेडिमेड वस्त्र निर्माण इकाई ले 8 से जादा स्व-सहायता समूह के महिला मन आर्थिक रूप ले सशक्त बनत हे। इहां संचालित रेडीमेड वस्त्र निर्माण इकाई रोजगार उपलब्ध कराए के कारगर माध्यम बन गय हे। इहां ग्रामीण युवा मन ल घलो गांव म ही रूचि के व्यवसाय मिलत हे। महिला मन द्वारा रेडीमेड वस्त्र के निर्माण ले उमन अभी तक 2 लाख 56 हजार रुपिया के आमदनी पा गए हे।
ए रेडीमेड वस्त्र निर्माण इकाई म पेटीकोट, टी-शर्ट के रेडीमेड वस्त्र निर्माण करे जाथ हे। ए रेडीमेड इकाई म निर्मित जिनिस के मूल्य 06 लाख 97 हजार रुपिया अउ उत्पादित जिनिस ले कुल लागत 04 लाख 91 हजार रुपिया हे। ए इकाई म सांई बाबा स्व-सहायता समूह, जय मां तुलसी स्व-सहायता समूह, भारत माता स्व-सहायता समूह, जय गंगा मईया स्व-सहायता समूह, जय मां शाकम्भरी स्व-सहायता समूह, जय मां दंतेश्वरी स्व-सहायता समूह, मीनिमाता स्व-सहायता समूह, नर्मदा स्व-सहायता समूह आदि समूह के महिला मन जुडे़ हे।
रीपा ले जुडे़ महिला मन बतात हे कि अपन घरेलू जिम्मेदारी ल पूरा करे के गए ले जम्मो सदस्य रीपा म आके रेडीमेड वस्त्र तियार करत हे, जेकर से उमन ल बने आमदनी होवत हे। उमन ह महिला मन ल रोजगार दिए ब मुख्यमंत्री श्री भूपेश बघेल ल धन्यवाद दिस हे।  
Success Stories
Neha Rathore