जशपुरनगर, ग्रामोद्योग संचालनालय रेशम प्रभाग कोति ले दुर्गम पहाड़ी क्षेत्र मन म अऊ वनांचल म रहवईया गांव वाले मन के आर्थिक विकास बर बहुत अकन विभागीय योजना मन के माध्यम ले ओ मन ल आजीविका के साधन उपलब्ध करावत हे। जिला के फरसाबहार विकासखण्ड के अंतर्गत रेशम विभाग के कोसा बीज केंद्र सिंगीबहार म रेशम धागाकरण काम ले ग्रामीण श्रीमती रंजना स्वावलंबन के रद्दा म आगू बढ़त हे। रेशम धागाकरण काम ले ओ ल आर्थिक लाभ होवत हे जेखर से वोखर आर्थिक स्थिति मजबूत होवत हे।
रंजना के बताती रेशम धागाकरण काम महिला मन ल रोजगार दे के ओ मन ल आत्मनिर्भर बनाए म महत्वपूर्ण योगदान निभावत हे। रेशम धागाकरण काम ले जुड़कर वो ह अपन संग अपन परिवार के सपना पूरा करे म सक्षम होए हे। संगेच अपन तीनों लइका मन ल बने शिक्षा दीक्षा घलोक देवावत हे। वोखर हर जरूरत के पूरा ख्याल रख पावत हे।
रेशम धागाकरण काम ले सिंगिबहार के रंजना बढ़त हे आघू
