वन मंत्री श्री अकबर ह कई ठन निर्माण कार्य के करिन भूमिपूजन

रायपुर, प्रदेश के वन, परिवहन, आवास, पर्यावरण, विधि विधायी अऊ जलवायु बदलाव मंत्री अऊ कवर्धा विधायक श्री मोहम्मद अकबर बोड़ला विकासखंड के ग्राम कुसुमघटा म जन आकांक्षा मन ल पूरा करत जन सुविधा बर विकास काम के सौगात दीन। मंत्री श्री अकबर ह आंगनबाड़ी भवन, मेन रोड ले महामाया मंदिर तक टू वॉल, अहिर समाज सामुदायिक भवन, हाई स्कूल सांस्कृतिक मंच अऊ नयापारा सांस्कृतिक मंच के भूमिपूजन करिन। मंत्री श्री अकबर ह सबो ल बधाई अऊ शुभकामना दीन।
वन मंत्री श्री अकबर ह ग्राम कुसुमघटा म विकास कार्य के भूमिपूजन म कहिन कि क्षेत्र के समुचित विकास अऊ जन सुविधा मन ल ध्यान म रखत उंखर मांग अऊ समस्या मन के ठोस समाधान करना हमर पहली प्राथमिकता म घलोक सामिल हे। जनहित अऊ मनखे मन के सुविधा ल ध्यान म रखत काम करे जात हे।
उमन कहिन कि शासन लइका मन के स्वास्थ्य, पोषण अऊ शिक्षा बर सरलग काम करत हे। एखर बर कई ठन योजना मन के माध्यम ले लाभ पहुंचाए जात हे। उमन कहिन कि आंगनबाड़ी भवन निर्माण ले गांव के छोटे-छोटे लइका जिंकर माता-पिता के बाद स्कूल ही दूसर घर हे ओ मन ल इहां अच्छा शिक्षा मिलही। आंगनबाड़ी भवन म छोटे-छोटे नान्हे बाल गोपाल अपन शैक्षणिक जीवन के शुरुआत कर पाहीं अऊ आंगनबाड़ी भवन के निश्चित ही गांव वाले मन ल लाभ मिलही। गर्भवती महिला मन ल घलोक काफी लाभ मिलही। संगेच महिला अउ बाल विकास विभाग के परियोजना ले संचालित सबो सेवा आंगनबाड़ी केन्द्र के माध्यम ले मिलही।