रायपुर, प्रदेश के वन, परिवहन, आवास, पर्यावरण, विधि विधायी अऊ जलवायु बदलाव मंत्री अऊ कवर्धा विधायक श्री मोहम्मद अकबर ह अपन एक दिवसीय कबीरधाम जिला के प्रवास के समय बोड़ला नगर पंचायत म 118 परिवार ल प्रधानमंत्री आवास योजना अंतर्गत मकान बनाए के स्वीकृति पत्र बाटिन। मंत्री श्री अकबर ह स्वीकृति पत्रक बांट के बधाई अऊ शुभकामना दीन। स्वीकृति पत्र पाके हितग्राही घलोक गदगद होइन।
वन मंत्री मोहम्मद अकबर सबो परिवार ल बधाई व शुभकामना देवत सबो वार्ड के हितग्राही मन के नाम पढ़के हितग्राही मन ल अवगत कराइन। उमन कहिन कि अब एक विधायक होए के नाते क्षेत्र के विकास अऊ मनखे मन के समस्या मन के समाधान हमर प्राथमिकता म सामिल हे। जब कि क्षेत्र के जनसंपर्क अऊ गोठ के माध्यम ले मांग या आन संज्ञान म लाए जाही, ओ मन ल पूरा करे के हमेसा उदीम करत रइबो। मंत्री श्री अकबर ह कहिन, आप मन हमर उपर भरोसा करेव, अऊ हम अपन वादा ल एक-एक करके पूरा ईमानदारी ले करत हन। उमन कहिन कि हमन सरकार बनाए ले पहिली जनता ले जेन वादा करे रहेन। वो सबो वादा ल प्राथमिकता म रखत पूरा करत हन। मुख्यमंत्री श्री भूपेश बघेल के सियानी म छत्तीसगढ़ सरकार किसान मन के अल्पकालीन करजा माफ करे गीस। जिला के 75 हजार 450 किसान मन के 455 करोड़ 65 लाख रूपिया के करजा माफी करे गीस। प्रदेश के 65 लाख परिवार बर राशन कार्ड बना कर देन। अवईया तीन बछर म समय के संग परिवार बाढ़त हे, अब फेर वो परिवार ल नवा राशन कार्ड बनाए या राशन कार्ड अलग करे के समस्या बताए गीस। राज्य सरकार ह अइसन सबो परिवार ल अब राशन कार्ड बना के देवत हन।
कार्यक्रम म जनपद पंचायत अध्यक्ष बोड़ला श्रीमती अमिता प्रभाती मरकाम, श्री नीलू चंद्रवंशी, श्री सनत जायसवाल, जिला कृषि उपज मंडी के अध्यक्ष नीलकंठ साहू, उपाध्यक्ष श्री चोवाराम साहू, पुलिस अधीक्षक डॉ. लाल उमेंद सिंह, डीएफओ श्री चूड़ामणि सिंह, संग आन जनप्रतिनिधि, अधिकारीगण अउ गांव वाले मन उपस्थित रहिन।
वन मंत्री श्री मोहम्मद अकबर ह 118 परिवार ल प्रधानमंत्री आवास योजना अंतर्गत स्वीकृति पत्र बांटिन
