रायपुर, 30 जनवरी 2024। वित्त मंत्री श्री ओपी चौधरी ले आज ऊंखर शंकर नगर स्थित शासकीय निवास कार्यालय म नाबार्ड के मुख्य महाप्रबंधक डॉ ज्ञानेंद्र मणि ह सौजन्य मुलाकात करिन।
डॉ. मणि ह वित्त मंत्री ले चर्चा करत ओ मन ल राज्य म नाबार्ड के संग होत काम मन के जानकारी देवत भविष्य के योजना मन उपर चर्चा करिन। नाबार्ड कोती ले श्री चौधरी ल 2024-25 के स्टेट फोकस पेपर रिलीज बर आमंत्रित करे गीस।
डॉ मणि ह जानकारी देवत कहिन के नाबार्ड पहिली जिला अऊ फेर राज्य के क्रेडिट पोटेंशियल बताथे। एखर से कृषि, छोटे अउ मध्यम उद्योग समेत आन प्रायोरिटी सेक्टर के प्रयोजन बर राज्य ल नाबार्ड ले ऋण मिले म मदद मिलथे।
वित्त मंत्री श्री चौधरी ह नाबार्ड के अधिकारी मन ले चर्चा करत कहिन कि वो विकसित भारत के संबंध म एक विस्तृत योजना बनावयं अउ उन्नत कृषि बर हर एक जिला के ग्राउंड लेवल प्लानिंग करयं ताकि किसान मन ल जादा ले जादा फायदा हो सकय अऊ युवा मन के कृषि के प्रति रुझान बाढ़य।
वित्त मंत्री श्री ओपी चौधरी ले नाबार्ड के मुख्य महाप्रबंधक ह करिन सौजन्य मुलाकात
