काशी विश्वनाथ के घलोक करहीं दर्शन
श्रद्धालु मन के स्टेशन म भव्य स्वागत, श्रीराम के जयकारा ले गूंजिस स्टेशन
रायपुर, 08 अगस्त 2024। श्रीरामलला दर्शन योजना के तहत 850 श्रद्धालु मन ल लेके मंगल के भारत गौरव स्पेशल ट्रेन (Bharat Gaurav Special Train) बिलासपुर ले रवाना होइस। ये श्रद्धालु अयोध्या म श्रीरामलला के संग काशी म बाबा विश्वनाथ के घलोक दर्शन करहीं। बिलासपुर जिला पंचायत के अध्यक्ष श्री अरुण सिंह चौहान ह हरी झंडी देखाके श्रद्धालु मन ल रवाना करिन। राज्य शासन के श्रीरामलला दर्शन योजना के अंतर्गत बिलासपुर संभाग के 850 श्रद्धालु अयोध्या अऊ काशी जावत हें। यात्रा अऊ दर्शन ल लेके श्रद्धालु मन अड़बड़ उछाह म दिखिन। स्टेशन पहुंचे म उंखर भव्य स्वागत करे गीस। जय श्रीराम के जयकारा ले पूरा स्टेशन राममय हो गीस। पारंपरिक नृत्य अऊ बाजा-गाजा के संग ओ मन ल अयोध्या बर रवाना करे गीस। यात्रा के समय खान-पान संग सबो सुविधा राज्य शासन ह करवाही।
भारत गौरव स्पेशल ट्रेन ले श्रीरामलला अऊ बाबा विश्वनाथ के दर्शन बर जावत मनखे मन ह श्रीरामलला दर्शन योजना बर छत्तीसगढ़ सरकार के प्रति आभार जताए हें। बिलासपुर के जोरापारा, सरकण्डा के श्रीमती रमा तिवारी ह कहिस के हम सौभाग्यशाली हन के हमला ये अवसर मिलत हे। हम प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय के प्रति आभार व्यक्त करत हन। हम श्रीरामलला के दर्शन ल लेके अड़बड़ उत्साहित हन। कोरबा के प्रताप सिंह ह कहिस कि ये योजना राज्य के मनखे मन के आस्था के सम्मान ये। एखर से प्रदेशवासी मन ल श्रीरामलला के दर्शन के सुअवसर मिलत हे। रायगढ़ के श्रीमती राजकुमारी पटेल ह कहिस के हमला अयोध्या दर्शन के सौभाग्य मिलत हे। ए खातिर हम सरकार के आभारी हन।
श्रीरामलला दर्शन योजना म 850 श्रद्धालु अयोध्या धाम बर रवाना Shri Ram Lala Darshan Yojana Chhattisgarh Special Train
