श्री रामलला दर्शन योजना: आस्था, संस्कृति अऊ सामाजिक चेतना के संगम

अयोध्या म प्रभु श्री रामलला के दर्शन के सौभाग्य मिलीस जशपुर जिला के 1632  रामभक्त मन ल
जशपुर, छत्तीसगढ़ सरकार कोति ले चालू करे गए श्री रामलला दर्शन योजना प्रदेश के धार्मिक आस्था के चिनहारी हे, संगे ये प्रदेश के सांस्कृतिक चेतना, सामाजिक समरसता के घलोक चिनहारी बन गए हे। ए योजना के मुख्य उद्देश्य राज्य के नागरिक मन ल अयोध्या म स्थित भगवान श्री रामलला के दर्शन के सुअवसर देवाना हे। योजना के औपचारिक शुरुआत 5 मार्च 2024 के रायपुर ले होए रहिस, जब मुख्यमंत्री श्री साय ह खुद पहली ट्रेन ल हरी झंडी देखाके रवाना करे रहिन।
जशपुर जिला म योजना चालू होए के समे ले अब तक 1632 रामभक्त मन ह अयोध्या जाके भगवान श्री राम के दर्शन लाभ लेहे हें। जेमां जनपद पंचायत क्षेत्र जशपुर ले 134 जनपद पंचायत क्षेत्र मनोरा ले 95 रामभक्त सामिल हे। अइसनहे जनपद पंचायत क्षेत्र बगीचा ले 168, नगर पालिका क्षेत्र जशपुर ले 83, नगर पंचायत क्षेत्र बगीचा ले 58, जनपद पंचायत क्षेत्र कुनकुरी ले 172, जनपद पंचायत क्षेत्र दुलदुला ले 110, जनपद पंचायत क्षेत्र फरसाबहार ले 179, नगर पंचायत क्षेत्र कुनकुरी ले 109, जनपद पंचायत क्षेत्र पत्थलगांव ले 220, जनपद पंचायत क्षेत्र कांसाबेल ले 165 राम भक्त सामिल हें।  नगर पालिका क्षेत्र पत्थलगांव ले 82 अऊ नगर पंचायत क्षेत्र कोतबा ले 57 रामभक्त अयोध्या म भगवान श्री राम के दर्शन कर डरे हें। रामलला दर्शन योजना के तहत श्रद्धालु मन ल पूरा पैकेज मिलथे, जेमां छत्तीसगढ़ ले अयोध्या जाय, उहां रहे के व्यवस्था, मंदिर दर्शन, नाश्ता अऊ खाए के घलोक व्यवस्था रहिथे।