संस्कृति मंत्री बिरसपत को करहीं महंत घासीदास के प्रतिमा के अनावरण

छत्तीसगढ़ के सांस्कृतिक विरासत के विस्तार बर रहीं चर्चा

रायपुर, संस्कृति अऊ पर्यटन मंत्री श्री ताम्रध्वज साहू राजधानी रायपुर स्थित संस्कृति भवन परिसर म काली बिरसपत के दिन मंझनिया 1.30 बजे महंत घासीदास के प्रतिमा के अनावरण करहीं। ए अवसर म श्री साहू संस्कृति भवन के सभागार म छत्तीसगढ़ के प्रसिद्ध साहित्यकार, लोक कलाकार, फिल्म निर्माता-निर्देशक अउ फिल्म कलाकार मन ले राज्य के सांस्कृतिक विरासत के संरक्षण अऊ संवर्धन के संबंध म विचार-विमर्श करहीं।

श्री साहू मंझनिया 2 बजे राज्य के कवि, लेखक मन, साहित्यकार मन ले अऊ मंझनिया 3 बजे छत्तीसगढ़ी लोक-कलाकार मन ले मिलके उंखर समस्या जानहीं। एखर पाछू मंझनिया 4 बजे श्री साहू छत्तीसगढ़ी फिल्म निर्माता-निर्देशक अऊ कलाकार मन ले मिलके छत्तीसगढ़ी फिल्म मन के निर्माण, प्रचार-प्रसार अऊ विकास उपर चर्चा करहीं। ए दौरान छत्तीसगढ़ी साहित्य, लोक कला अऊ छत्तीसगढ़ी चलचित्र मन ल नवा आयाम देहे बर कई ठन पहलु मन उपर मंथन करे जाही।

लउछरहा..