जंगलूराम ल मिलीस किसान किताब के दूसर प्रति
गांव वाले मन ह जताइन मुख्यमंत्री के प्रति आभार
राजनांदगांव, छत्तीसगढ़ सरकार के सुशासन तिहार के तहत आयोजित होवत समाधान शिविर सरलग गांव वाले मन बर राहत अऊ सुविधा के माध्यम बनत जात हे। डोंगरगांव विकासखंड के ग्राम करमतरा म आयोजित अइसनहे एक शिविर म ग्राम भोथली निवासी श्री जंगलूराम निषाद ल जब तुरंते निःशुल्क किसान किताब के दूसर प्रति मिलिस, त वोखर खुशी के ठिकाना नइ रहिस। उमन एला शासन के संवेदनशीलता अऊ सुशासन के प्रत्यक्ष उदाहरण बताइन।
श्री जंगलूराम ह बताइस के वोखर जुन्ना किसान किताब फट गए रहिस, जेखर से ओ ल खेती-किसानी के कई काम मन म दिक्कत होत रहिस। ओ लंबा समय ले एखर दूसर प्रति बनवाना चाहत रहिस, फेर समय अऊ संसाधन मन के कमी के सेती ये काम हो नइ पात रहिस। जब गांव म समाधान शिविर के मुनादी होइस, त वो तुरंते आवेदन करिस अऊ शिविर म पहुंचके मदद लीस। प्रशासन ह लउहे ओ ल उही दिन नवा किसान किताब के प्रति दे दीस, उहु निःशुल्क।
शिविर के अनुभव साझा करत जंगलूराम ह बताइस के न तो कोनो प्रकार के पइसा लेहे गीस अऊ ना घेरी-बेरी चक्कर काटे ल परिस। मोर काम बहुत आसानी ले हो गे। वो ह मुख्यमंत्री श्री विष्णु देव साय के आभार जताइस, जेकर सियानी म शासन-प्रशासन अब गांव के चौखट तक पहुँच के समस्या मन के समाधान करत हे।
समाधान शिविर बनिस गांव वाले मन बर वरदान
