सही पोषण ले नान्हे मानव ल मिलीस कुपोषण ले मुक्ति

मोहला-मानपुर-अंबागढ़ चौकी, मोहला विकासखंड के ग्राम रानाटोला के रहवइया नम्रता बाई के दू बछर के बेटा मानव पहिली कमजोर अऊ सुस्त रहत रहिस। जानकारी के अभाव म परिवार एला समझत नइ रहिस अउ वोखर किस्मत मान डरे रहिन। तभे आंगनबाड़ी कार्यकर्ता ह उंखर ले संपर्क करिस अउ पौष्टिक आहार अऊ स्वच्छता के महत्व के जानकारी दीस। जांच म मानव के वजन केवल 6.6 किलोग्राम पाए गीस। कार्यकर्ता ह ओ मन ल सम्वर्धित टेक होम राशन, दलिया, मूंग दाल के खिचड़ी, अंडा अऊ हरी साग-भाजी जइसन पौष्टिक आहार देहे के सलाह दीस अऊ नियमित गृह भेंट के माध्यम ले निगरानी रखिस।
16 हफ्ता के सरलग उदीम ले मानव के वजन बाढ़के 7.7 किलोग्राम हो गे अऊ वो सामान्य श्रेणी म आ गे। अब वो सक्रिय, ऊर्जावान अऊ खेलकूद म रुचि लेवइया लइका बन गे हे। नम्रता बाई ह कहिस के —“आंगनबाड़ी ले मिले सम्वर्धित टेक होम राशन मोर लइका के सेहत के बर वरदान साबित होइस।”