गुणवतायुक्त बीज अऊ संतुलित खाद के उपयोग ले बाढि़स पैदावार
राष्ट्रीय खाद तेल मिशन योजना ले किसान महावीर के आय होइस दुगुना
बलरामपुर-रामानुजगंज, महावीर पुषाम अब प्रगतिशील किसान के रूप म उभर के आवत हे। ओ ह एक सामान्य किसान हे, जे ह अपन कठिन मेहनत, लगन अऊ सरकारी योजना मन के सही उपयोग ले न सिरिफ अपन खेती ल लाभकारी बनाए हे, बल्कि आन किसान मन ल प्रेरित करत हे। महावीर पुषाम के मेहनत अऊ विभागीय सहयोग ले वोखर खेत मन म बड़का बदलाव आए हे। वो ह बीज अऊ खाद के संतुलित उपयोग उपर ध्यान देहे हे। पहिली जेमां ओ 2 एकड़ म तिल, 2 एकड़ म रामतिल अऊ 1 एकड़ म मूंगफली उगात रहिस, अब वो ह सही बीज, उन्नत खेती तकनीक अऊ उचित खाद के परयोग करे हे। ए बदलाव ले वोखर उत्पादन लागत म घलोक कमी आए हे, अऊ कुल आय म बढ़ोतरी होए हे।
गुणवतायुक्त बीज अऊ संतुलित खाद के उपयोग ले बाढि़स पैदावार
बलरामपुर-रामानुजगंज जिला के विकासखण्ड रामचन्द्रपुर के ग्राम विमलापुर के रहवइया महावीर पुषाम कई बछर ले खेती करत हे अऊ लगभग पाँच एकड़ जमीन म तिलहन अऊ मूंगफली के फसल उपजाथे। आगू ओ ह केवल अपन पारंपरिक तकनीक अऊ अपन कोति ले संरक्षित बीज मन के उपयोग करत रहिस। फेर समय के संग वो ह समझिस के पारंपरिक तरीका हर साल बेहतर आय के संग बढ़ोतरी नइ ला सकय। महावीर के खेती म सुरू के बछर म कई समस्या रहिस। ओ बताथे के वोखर पास गुणवत्तायुक्त बीज नइ रहिस अऊ वो ह अपन परंपरा के मुताबिक बीज के चयन करे रहिस। एखर से उत्पादन सीमित रहिस अऊ कई पइत फसल म घट-बढ़ होए लगिस। तिल, मूंगफली अऊ रामतिल के खेती म ओ ल केवल कुछेच उत्पादन मिलत रहिस, जेखर से आय सीमित रहत रहिस। कृषि के आधुनिक तरीका के जानकारी नइ होए के सेती लागत नियंत्रण अऊ उत्पादन के गुणवत्ता म घलोक प्रभाव परत रहिस अऊ महावीर केवल 55 ले 60 हजार रूपिया के आय अर्जित कर पात रहिस।
आय बाढ़ीस अऊ आर्थिक स्थिति होइस मजबूत
महावीर अपन गांव अऊ आसपास के किसान मन ले बात करिस अऊ जानकारी जुटाईस। उही बीच ओ ल कृषि विभाग के राष्ट्रीय खाद्य तेल मिशन योजना (एनएमईओ) के बारे म पता चलिस। कृषि विभाग ले संपर्क करे के बाद वो ह योजना के विस्तार ले जानकारी लीस। विभाग ह ओ ल गुणवत्तायुक्त बीज, उन्नत कृषि तकनीक अऊ संतुलित खाद के उपयोग के बारे म मार्गदर्शन दीस। वोखर आमदनी पहिली लगभग 55-60 हजार रूपिया ले बढ़के करीब 1 लाख रूपिया हो गे। ए सफलता ह नइ केवल वोखर परिवार के आर्थिक स्थिति ल मजबूत करिस, संगेच आन किसान मन खातिर प्रेरणा के स्रोत घलोक बना दे।
नवा तकनीक अऊ वैज्ञानिक तरीका ल अपनाके खेती ल अऊ जादा लाभकारी बनाहूं अइसे महावीर पुषाम के मानना हे। वो ह बताइस के मैं कृषि विभाग के सबो योजना मन के लाभ लेहे खातिर इच्छुक हंव। मोर कोसिस हे के मैं नवा तकनीक अऊ वैज्ञानिक तरीका मन ल अपनाके खेती ल अऊ जादा लाभकारी बनांव अऊ अपन अनुभव के माध्यम ले आन किसान मन ल घलोक मार्गदर्शन दंव। महावीर कहत हे के सरकारी योजना मन के सही जानकारी मिलय त कोनो भी किसान अपन जीवन ल बेहतर बना सकत हे।
