धमतरी, नगरी विकासखण्ड के सिलयारी डायवर्सन अउ फुटहामुड़ा नहर के बन जाय ले ये क्षेत्र के 22 गांव मन के किसान मन के 1940 हेक्टेयर रकबा म सिंचाई के सुविधा उपलब्ध होही अऊ किसानी बर ओ मन ल भरपूर मात्रा म पानी मिल सकही। सिहावा विधायक डॉ. लक्ष्मी ध्रुव के उदीम ले ए काम मन के पुनरीक्षित प्रशासनिक स्वीकृति मिल गे हे। उमन क्षेत्र के किसान मन ल उंखर बहुप्रतीक्षित मांग स्वीकृति होए म अपन शुभकामना प्रेषित करे हें।
कार्यपालन अभियंता जल प्रबंध संभाग कोड-38 श्री ए.के. पालड़िया ह बताइस कि सिलियारी डायवर्सन अउ फुटहामुड़ा नहर निर्माण काम के पुनरीक्षित प्रशासकीय स्वीकृति नइ मिल पाय के सेती कई बछर ले एकर निर्माण काम मूर्तरूप नइ ले पात रहिस। सिहावा विधायक के प्रयास के चलते दिसंबर 2021 म 73.93 करोड़ रूपिया के फेर पुनरीक्षित प्रशासकीय स्वीकृति नाबार्ड के 27वां चरण के तहत मिल गए हे। उमन बताइन कि नाबार्ड ले ऋण प्राप्त होए के बाद फुटहामुड़ा नहर के बांचे काम 18.99 किलोमीटर मुख्य नहर अउ छोटे नहर (क्रमांक-5), जेकर लम्बाई 18.60 किलोमीटर हे, के निर्माण काम पूरा होही। कार्यपालन अभियंता ह बताइस कि कुकरेल क्षेत्र के काफी जुन्ना अऊ लंबित मांग रहिस, जेखर निर्माण बर साल 2007 ले गांव वाले मन सरलग मांग करत रहिन। एखर बन जाय ले मगरलोड अउ धमतरी तहसील के कुल 22 गांव ल सिंचाई के सुविधा मुहैया हो सकही। ये डायवर्सन अउ नहर के तियार हो जाय ले नगरी तहसील के ग्राम माकरदोना, कुकरेल, मोहलाई, सियादेही, जरहाखार, कांटाकुर्रीडीह, बनबगौद (लट्टीडेरा), सिरौदकला, सिरौदखुर्द, बरबांधा, छुही, सलोनी, साल्हेभाठ, अरौद (ली), लीलर, पथर्रीडीह धमतरी विकासखण्ड के ग्राम दहरगहन, भंवरमरा, बागोडार अऊ मगरलोड विकासखण्ड के ग्राम भोथा, पाहंदा अऊ बोरसी के गांव वाले मन के कुल 1940 हेक्टेयर रकबा म सिंचाई के सुविधा मिल सकही। उमन बताइन कि फुटहामुड़ा मुख्य नहर के हेड अउ 0 ले 750 मीटर के जल संसाधन विभाग के भूखण्ड म नहर निर्माण काम पूरा हो गए हे। ये घलोक बताइए गीस कि वन विभाग ले 24.43 हेक्टेयर प्रभावित वन जमीन के पहिली चरण के स्वीकृति भारत सरकार वन अऊ जलवायु पविर्तन कोति ले सैद्धांतिक स्वीकृति मिल गे हे। वन विभाग ल 363.12 लाख रूपिया के क्षतिपूर्ति, वृक्षारोपण अउ प्रत्याशा मूल्य के भुगतान करे जा चुके हे। संगेच नहर निर्माण बर प्रभावित 09 गांव के 124 किसान मन ल 337.95 लाख रूपिया के भू-अर्जन के भुगतान करे जा चुके हे। अइसनहे छोटे माइनर के प्रभावित 05 गांव के 169 किसान मन ल 320.99 लाख रूपिया के प्रस्ताव शासन ल भेजे गए हे, जेकर स्वीकृति मिले म ओ मन ल भुगतान करे जाही। ये प्रकार सिलियारी डायवर्सन अऊ फुटहामुड़ा मुख्य नहर लाइनिंग के बन जाय ले क्षेत्र के करीबन 15 साल जुन्ना बहुप्रतीक्षित मांग पूरा होही अऊ किसान मन ल सिंचाई के उत्कृष्ट सिंचाई सुविधा मिले ले फसल ल भरपूर मात्रा म पानी मिल सकही।
सिलियारी डायवर्सन अऊ फुटहामुड़ा मुख्य नहर के निर्माण ले मिलही 22 गांव मन के किसान मन ल सिंचाई सुविधा
