सुकमा: जनपद पंचायत कोंटा के ग्राम पंचायत मिसमा ‘स्वास्थ्य पंचायत’ के तहत स्वास्थ्य कैंप के आयोजन

सुकमा, 31 जनवरी 2024। जनपद पंचायत कोंटा के ग्राम पंचायत मिसमा ‘स्वास्थ्य पंचायत’ के तहत स्वास्थ्य कैंप के आयोजन होइस। कार्यक्रम के मुख्य उद्देश्य ग्राम पंचायत के मनखे मन के स्वास्थ्य के प्रति जागरूकता लाना रहिस। कार्यक्रम के आयोजन गाँधी फेलो रानी खिरतकर के संग अउ ग्राम पंचायत अऊ स्वास्थ्य विभाग के सहयोग ले करे गीस। कार्यक्रम के शुरुआत म राष्ट्र पिता महात्मा गाँधी ल श्रधांजलि दे गीस।
कार्यक्रम के उद्देश्य ल प्रस्तुत करत बीएमओ सुमन रस्पाल ह मनखे मन ल संबोधित करत स्वास्थ्य के प्रति जागरूक रहे बर सजग रहे के सलाह देहे गीस अऊ स्वास्थ्य कैंप म जादा ले जादा लाभ लेहे बर मनखे मन ले अपील करे गीस।
एखर बाद पिरामल स्वास्थ्य के डीसी राजेश सोलंकी ह टीबी के बारे म बताइस गीअऊ शपथ ग्रहण कराए गीस। गाँधी फेलो सचिन सहानी ह प्रधानमंत्री मातृत्व योजना अऊ प्रधानमंत्री जन आरोग्य योजना के बारे म बताइस। एखर संग कन्या आश्रम के बलिका मन ह गीत घलोक प्रस्तुत करिन । पूरा कार्यक्रम के संचालन गाँधी फेलो सूरज ह करिस।
ए एक दिवसीय स्वास्थ्य कैंप मे नेत्र जांच, सिकल जांच, डेंटल जांच, डीबीटीज जांच, अऊ आयुष्मां कार्ड के शिविर लगाए गइस अऊ 200 ले जादा ग्रामीण अऊ स्कूल के लइका मन ह भाग लीन। एखर बाद कार्यक्रम के आखरी म डॉ कृतिका अऊ सरपंच सबो अतिथि अउ भागीदारी मन ल धन्यवाद करत एक दिन के कार्यक्रम के समापन करे गीस।
ए बेरा म सरपंच पूजा मडकम्,सचिव कवासी देवा, संकुल संन्वयक मानदाता पटेल, जिला परिषद सदस्य कर्तम् मुया,मिलतानिन, आंगनवाडी कार्यकर्ता, स्वास्थ्य विभाग ले एएनएम मेरी गुरेती,अऊ डॉक्टर , आयुष्मान कार्ड विभाग के भावेश , पिरामल टीम ले डिस्ट्रित लीडर डॉ कृतिका वैष्णव, प्रोग्राम लीडर, गाँधी फेलो रानी खिरतकर, आर्या ठाकुर, सूरज कालोकर अऊ सचिन सहानी सामिल होइन।