रायपुर, सुश्री अनुसुईया उइके ह आज इहां राजभवन के दरबार हाल म आयोजित गरिमामय समारोह म छत्तीसगढ़ के राज्यपाल के रूप म अपन पद के शपथ लीन। उच्च न्यायालय, बिलासपुर के मुख्य न्यायाधीश न्यायमूर्ति श्री पी.आर.रामचंद्र मेनन ह ओ मन ल शपथ देवाइन। राज्यपाल सुश्री उइके ह हिंदी म ईश्वर के नाम म शपथ लीन।
शपथ ग्रहण के बाद मुख्यमंत्री श्री भूपेश बघेल ह राज्यपाल सुश्री उइके ल पुष्पगुच्छ भेंटकरके ओ मन ल हार्दिक बधाई अउ शुभकामना दीन। ए मौका म विधानसभा अध्यक्ष डॉ. चरणदास महंत, गृहमंत्री श्री ताम्रध्वज साहू, कृषि मंत्री श्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम, वन मंत्री श्री मोहम्मद अकबर, वाणिज्यिक कर (आबकारी) मंत्री श्री कवासी लखमा, नगरीय प्रशासन मंत्री डॉ. शिवकुमार डहरिया, महिला अउर बाल विकास मंत्री श्रीमती अनिला भेंडि़या, उच्च शिक्षा मंत्री श्री उमेश पटेल, खाद्य मंत्री श्री अमरजीत भगत, नेता प्रतिपक्ष श्री धरमलाल कौशिक, भूतपूर्व मुख्यमंत्री श्री अजीत जोगी, डॉ. रमन सिंह, पूर्व विधानसभा अध्यक्ष श्री गौरीशंकर अग्रवाल, श्री प्रेमप्रकाश पाण्डेय, राष्ट्रीय अनुसूचित जनजाति आयोग के अध्यक्ष श्री नन्दकुमार साय, रायपुर नगर निगम के महापौर श्री प्रमोद दुबे अउर राज्यपाल के सचिव श्री सुरेन्द्र कुमार जायसवाल संग बहुत अकन विधायक, पूर्व विधायक, पूर्व सांसद, गणमान्य नागरिक अऊ राज्य शासन के वरिष्ठ अधिकारी उपस्थित रहिन।
मुख्य सचिव श्री सुनील कुजूर ह कार्यक्रम के संचालन करिन। शपथ के बाद राज्यपाल सुश्री उइके ल सशस्त्र बल मन कोति ले सलामी दे गीस। शपथ ग्रहण समारोह म सुश्री उइके के परिजन घलोक सामिल होइन।
