सूरजपुर म मुख्यमंत्री राहत शिविर बनिस आजीविका केंद्र: राहत शिविर मन म श्रमिक मन ल होवत हें आमदनी

सूरजपुर, 22 अप्रैल 2020। कोविड-19 महामारी ले बचे बर लॉकडाउन के समय सूरजपुर जिला म दीगर राज्य अउ जिला के कुल 631 श्रमिक मन ल 31 राहत केंद्र मन म पहुना के जइसे रूकाए गए हे। इहां पहुना के रूप म उंखर देखभाल करे बर जिला के नोडल अधिकारी डिप्टी कलेक्टर श्री बजरंग वर्मा अऊ श्रम अधिकारी श्री घनश्याम पाणिग्रही के संगें-संग हरेक शिविर बर विशेष टीम के ड्यूटी लगाए गए हे। इहां रुके सबो श्रमिक मन ल मेन्यु के मुताबिक भोजन, रहे बर पूरा व्यवस्था के संगें-संग खेल सामान जइसे लूडो, कैरम, टीवी आदि देहे गए हे। सबो मन नियमित रूप ले योग करत हें अऊ लइका मन के पढ़ई बर व्यवस्था घलोक सुचारु रुप ले चलत हे। इही कड़ी म हाले म जिला के एक शिविर म एक श्रमिक के पुत्र विकास के जन्मदिन जिला प्रशासन ह मनाइस जउन सबो पहुना मन बर एक अमीट यादगार पल बन गीस। अब ए शिविर मन म रुके श्रमिक मन ल उंखर दैनिक मजदूरी के जे आर्थिक क्षति होवत हे ओखर पूर्ति बर जिला प्रशासन ह विशेष पहल करत ए मन ल दैनिक आजीविका के काम उपलब्‍ध कराए हे। इही कड़ी म कई शिविर म श्रमिक मन बांस के ट्री गार्ड के निर्माण करत हे। जेला वन विभाग जल्दीच बिसइया हे। एखर बर श्रमिक मन ल जरूरी बांस के उपलब्धता वन विभाग कोति ले कराए जात हे अउ ओकर बनाए के प्रशिक्षण घलव देहे जात हे।