सेवा पर्व: सोनाखान परिक्षेत्र म ‘जल-जंगल यात्रा‘ के आयोजन

बलौदाबाजार, सेवा पर्व 2025 के अंतर्गत वन मंत्री श्री केदार कश्यप के निर्देश म बलौदाबाजार वनमण्डल कोति ले “जल-जंगल यात्रा‘ कार्यक्रम के आयोजन करे गीस। वनमंडल अधिकारी श्री धम्मशील गनवीर के मार्गदर्शन म ए कार्यक्रम के तहत प्राथमिक शाला झालपानी के पढ़ईया लईका मन ल जल, जंगल अऊ पर्यावरण के महत्व के बारे म जानकारी देहे गीस। लइका मन ल बताउ गीस के जल संकट, प्लास्टिक प्रदूषण अऊ प्राकृतिक संसाधन मन के कमी जइसे समस्या मन ले बचे खातिर हमला मिलके प्रयास करना होही। कार्यक्रम के समय पढ़ईया लईका मन ह शपथ लीन के ओ मन प्लास्टिक के कम ले कम उपयोग करहीं अऊ अपन आस-पास सफाई बनाए रखहीं। ये कार्यक्रम सोनाखान परिक्षेत्र के कोसमसरा सर्किल अंतर्गत बीट उत्तर झालपानी म प्रशिक्षु वनक्षेत्रपाल सुश्री आस्था यादव के अगुवई म होइस।
ए अवसर म वन विभाग के अधिकारी मन ह पढ़ईया लईका मन ल समझाइन के हर नागरिक के छोट-कन प्रयास घलोक पर्यावरण बचाय म बड़का योगदान दे सकत हे। ए मौका म विद्यालय के गुरूजी, प्रधान पाठक, ग्राम पंचायत झालपानी के सरपंच, वन प्रबंधन समिति के सदस्य, वन चौकीदार अऊ श्रमिक घलोक उपस्थित रहिन। सबो मन ह कार्यक्रम के सराहना करत भविष्य म घलोक पर्यावरण संरक्षण ले जुड़े गतिविधि मन म सक्रिय रूप ले भाग लेहे के संकल्प लीन।