स्कूल शिक्षा मंत्री डॉ. टेकाम ह 31 शिक्षिक मन ल करिन सम्मानित

रायपुर, मुख्यमंत्री के घोषणा के मुताबिक हर बछर विकासखण्ड, जिला अऊ संभाग स्तर म मुख्यमंत्री गौरव अंलकरण योजना के अंतर्गत शिक्षक मन ल पुरस्कृत करे जाथे। स्कूल शिक्षा मंत्री डॉ. प्रेमसाय सिंह टेकाम ह आज माध्यमिक शिक्षा मण्डल परिसर स्थित संयुक्त संचालक स्कूल शिक्षा कार्यालय के सभागार म मुख्यमंत्री शिक्षा गौरव अलंकरण योजना के अंतर्गत रायपुर संभाग के 31 शिक्षक मन ल सम्मानित करिन। एमां शिक्षा दूत सम्मान ले 12 शिक्षक, ज्ञानदीप ले 03 शिक्षक, शिक्षा श्री ले 03 व्याख्याता, उत्कृष्ट प्राचार्य 05 अऊ 08 उत्कृष्ट प्राधान पाठक सम्मानित होइन। ये सम्मान शिक्षा के क्षेत्र म श्रेष्ठ काम करईया शिक्षक मन ल लइका मन के अध्ययन-अध्यापन के संग कौशल विकास, बौद्धिक, शारीरिक अउर सामाजिक दायित्व के प्रति प्रेरणादायक काम करे बर प्रदान करे जाथे।