रायपुर, मुख्यमंत्री श्री भूपेश बघेल ह आज इहां रेन वॉटर हार्वेस्टिंग उपर आयोजित कार्यशाला म स्वच्छता सर्वेक्षण 2019 म राष्ट्रीय स्तर म उत्कृष्ट काम करइया छत्तीसगढ़ के कई ठन नगर पंचायत, नगरपालिका परिषद अऊ नगर निगम मन के नगरीय निकाय मन ल सम्मानित करिन।
मुख्यमंत्री ह स्वच्छता कार्यक्रम म राष्ट्रीय स्तर म देश के दूसर स्वच्छ शहर के रूप म चुने गे नगर पालिक निगम, अंबिकापुर के महापौर डॉ. अजय तिर्की, सभापति श्री मोहम्मद शफी अहमद, आयुक्त श्री मनोज सिंह, नोडल अधिकारी श्री रमेश सिंह ल सम्मानित करिन। उमन अइसने राष्ट्रीय स्तर म नेशनल सेनिटेशन सिटी के रूप म चुने गे नगर पालिका निगम, भिलाई के महापौर श्री देवेन्द्र यादव, सभापति श्री श्याम सुंदरराव, आयुक्त श्री सुदेश कुमार सुंदरानी, नोडल अधिकारी श्री आर.के.साहू ल सम्मानित करिन। अइसनहे 10 लाख ले जादा जनसंख्या वाले शहर मन म राष्ट्रीय स्तर म फास्टेस्ट मुवर बिग सिटी के रूप म चुने गे नगर पालिका निगम रायपुर के महापौर श्री प्रमोद दुबे, सभापति श्री प्रफुल्ल विश्वकर्मा, आयुक्त श्री शिव अनंत तायल, नोडल अधिकारी श्री हरेन्द्र साहू ल सम्मानित करिन।
मुख्यमंत्री ह 50 हजार ले एक लाख तक के जनसंख्या वाले शहर मन म राष्ट्रीय स्तर म क्लीनेस्ट सिटी ईस्ट जोन के रूप म चुने गे नगर पालिका निगम भिलाई-चरौदा के महापौर श्रीमती चंद्रकांता माण्डले, सभापति श्री विजय जैन, आयुक्त श्री चंदन शर्मा, नोडल अधिकारी श्री मोहनपुरी गोस्वामी ल अउ एक लाख ले कम जनसंख्या वाले शहर मन म राष्ट्रीय स्तर म दूसर क्लीनेस्ट सिटी ईस्ट जोन के रूप म चुने गे नगर पालिका परिषद विश्रामपुर के अध्यक्ष श्री राजेश यादव, सीएमओ श्रीमती युफरिसिया एक्का, नोडल अधिकारी श्री नीतिश गुप्ता अउ एक लाख ले कम जनसंख्या वाले शहर मन म राष्ट्रीय स्तर म तीसरे क्लीनेस्ट सिटी ईस्ट जोन नगर पालिका परिषद जशपुर के चुने गे म उंखर अध्यक्ष श्री हिरूराम निकुंज, सीएमओ श्री जितेन्द्र कुशवाहा अऊ नोडल अधिकारी सुश्री वसुंधरा भगत ल सम्मानित करिन।
