स्वर्गीय श्री कुमार लक्ष्मी नारायण ल स्वास्थ्य अऊ राजस्व मंत्री ह दीन श्रद्धांजलि

सुकमा, 23 जनवरी 2024। स्वास्थ्य मंत्री श्री श्याम बिहारी जायसवाल अऊ राजस्व मंत्री श्री टंकराम वर्मा ह आज सुकमा पहुंचके स्वर्गीय श्री कुमार लक्ष्मी नारायण देव ल विनम्र श्रद्धांजलि दीन अउ शोकाकुल परिवारजन ले मिलके गहिर संवेदना प्रगट करिन।
स्वर्गीय श्री देव ल श्रद्धांजलि देहे राज्यसभा सांसद सुश्री सरोज पांडेय, रायपुर ग्रामीण के विधायक श्री मोती लाल साहू अऊ श्री अजय जामवाल घलोक सुकमा पहुंचे रहिन। उमन स्वर्गीय श्री कुमार लक्ष्मी नारायण देव के फोटू म श्रद्धासुमन अर्पित करिन अऊ परिवारजन ले मिलके संवेदना व्यक्त करिन।
जानबा हे कि स्वर्गीय श्री कुमार लक्ष्मी नारायण देव जगदलपुर के विधायक श्री किरण देव के पिता रहिन । कुछेक दिन पहीली उंखर निधन हो गए रहिस। श्रद्धांजलि कार्यक्रम म जगदलपुर के विधायक प्रतिनिधि श्री सोयम मुक्का, श्री धनीराम बारसे, श्री हूंगा राम मरकाम संग बहुत अकन जनप्रतिनिधि, गणमान्य नागरिक घलोक उपस्थित रहिन।