देश अउ प्रदेश म कोरोना के बाढ़त मामल ल देख के विभागीय अधिकारि के बईठक लेके दिहिस जरुरी निर्देश
रोज के रोज दस हजार नमुना (सैंपलों) के जांच करे ब कहिस
रायपुर. नेहा राठौर के खबर/ स्वास्थ्य मंत्री श्री टी.एस. सिंहदेव ह देश अउ प्रदेश म कोरोना संक्रमण के बाढ़त मामल ल देख के आज वरिष्ठ विभागीय अधिकारि मन के बईठक लेके जरूरी दिशा-निर्देश दीहीस। ओ ह स्वास्थ्य विभाग के अधिकारि ल सचेत रहिके कोरोना के जांच, इलाज, एकर ले बचाव अउ नियंत्रन करे ब जम्मो व्यवस्था मन ल दुरुस्त करे ब कहिस। स्वास्थ्य मंत्री ह कोविड-19 के लक्छन वाले लोगन म एकर पुष्टि ब जादा ले जादा जांच आरटीपीसीआर परिक्छन के माध्यम ले करे के संगे म मेडिकल उपकरन, ऑक्सीजन किट, वैक्सीन, दवई, उपभोग (Consumables) करे लईक के समुचित व्यवस्था राखे के निर्देश दिए हे।
श्री सिंहदेव ह अस्पताल म समान्य बिस्तर के संगे म आईसीयू बेड, एचडीयू बेड अउ ऑक्सीजन सुविधा संग वेंटिलेटर सुविधा वाले बिस्तर के जानकारी लिहिस।
स्वास्थ्य मंत्री ह बईठक म कहिन के कोरोना संक्रमित 95 प्रतिशत मरीज होम आइसोलेशन म ही उपचार ले अभी बने हो जाथ हे। लेकिन देश अउ प्रदेश म सरलग बाढ़त संक्रमण दर ल देख के अस्पताल म घलो एकर इलाज अउ नियंत्रन के तियारी राखे ब लागही। स्वास्थ्य विभाग के अधिकारी मन ह बईठक म बतइस के प्रदेश म रोज नमुना के जांच के संखिया बढ़ाए जाथ हे। ए महीना के 11 अपरेल ले 17 अपरेल के बीच म प्रतिदिन औसत 3763 जांच करे गए हे।
अधिकारी मन ल बताइस के राज्य म पाछू के एक महीना म (17 मार्च से 17 अपरेल के बीच) कोविड-19 के 11 मरीज के मउत होइस हे जेमा के आठ झन कोमोरबिडिटी पीड़ित रहिस हे। 11 मरीज म के चार मरीज मन ह कोविड-19 ले बचाव के टीका नई लगवाए रहिस हे। स्वास्थ्य मंत्री श्री सिंहदेव के सिविल लाइन इस्थित निवास कार्यालय म होए समीक्षा बइठक म स्वास्थ्य विभाग के सचिव श्री प्रसन्ना आर., आयुक्त डॉ. सी.आर. प्रसन्ना, स्वास्थ्य सेवा के संचालक श्री भीम सिंह, राष्ट्रीय स्वास्थ्य मिशन के संचालक श्री भोसकर विलास संदिपान, चिकित्सा शिक्षा विभाग के आयुक्त सुश्री नम्रता गांधी, संचालक डॉ. विष्णु दत्त, महामारी नियंत्रण के संचालक डॉ. सुभाष मिश्रा, सीजीएमएससी के प्रबंध संचालक श्री चन्द्रकांत वर्मा, पंडित जवाहर लाल नेहरू चिकित्सा महाविद्यालय के डीन डॉ. तृप्ति नागरिया, डॉ. भीमराव अंबेडकर स्मृति चिकित्सालय के अधीक्षक डॉ. एस.बी.एस. नेताम, डॉ. ओ.पी. सुंदरानी अउ स्वास्थ्य विभाग के उप संचालक डॉ. धर्मेन्द्र गहवई घलो मउजुद रहिस हे।
