हीरो मोटर्स ह लांच करिस सुपरहिट बाइक स्पलेंडर के BS6 वर्जन, अब ये खासियत मन के संग उतरही सड़क म

दिल्ली। हीरो मोटर्स ह अपन सबले ज्यादा बिकने वाला बाइक स्पलेंडर के बीएस6 वर्जन बाजार म लांच कर देहे। येला कई कास्मेटिक बदलाव के संग सड़क म कंपनी ह उतारे हे।
मोटरसाइकल स्पलेंडर ल कंपनी ह स्पलेंडर प्लस नाम दिस हे। जोन म फ्यूल-इंजेक्शन सिस्टम पहली घाव इंट्रोड्यूस करे गये हे। कंपनी ह बाइक म BS6 मानकों वाले 100cc इंजन गाड़ी म लगाये हे। जोन ह सिंगल-सिलिंडर इंजन होही। अगर तुलना करे जाय तो BS4 के तुलना म BS6 इंजन कम पावरफुल होही। बाकी ये सदाबहार बाइक के लुक के संग कंपनी ह कोनो छेड़छाड़ नई करे हे।
कंपनी ह मोटरसाइकिल ल नवा ड्यूल-टोन रंग के संग आकर्षक विकल्प मन के संग पेश करे हे। BS6 स्पलेंडर प्लस तीन वेरिएंट म मिलही। अलॉय वील के संग किक, अलाय वील के संग सेल्फ अउ i3S व अलॉय वील के संग सेल्फ स्टार्ट म उपलब्ध हे। कंपनी ह येला शोरूम म भेजे के शुरू कर देहे। ताकि लोगन मन जल्दी ले बीएस 6 वर्जन बाइक के सवारी के आनंद ले सकय।