गैरहाजिर 5 स्वास्थ्य कर्मचारी मन ल निलंबित करे के दीन निर्देश
रायपुर, कलेक्टर डॉ. बसवराजु एस. ह आज इहां जिला के आरंग विकासखण्ड के ग्राम पंचायत निसदा म संचालित हेल्थ एण्ड वेलनेस सेंटर के औचक जांच करिन। जांच म उमन पाइस के उहां पदस्थ सहायक चिकित्सा अधिकारी श्रीमती रोशनी रात्रे, एएनएम श्रीमती सीमा गोस्वामी अऊ एएनएम नीरा साहू बिना कोनो सूचना के अनुपस्थित हें। चिकित्सक अऊ पेरामेडिकल स्टॉफ समय म उपस्थिति नइ होए के सेती मरीज मन ल परेशानी के सामना करना परत हे। कलेक्टर ह इहां निरीक्षण म कुछ एक्सपायरी डेट के दवा घलोक पाईन। जऊन ल देखत उमन तीनों ल तुरंते प्रभाव ले निलंबित करे के निर्देश दीन। अइसनहे उमन ग्राम पंचायत पारागांव के निरीक्षण के समय उप स्वास्थ्य केन्द्र ल बंद पाइस। त उहां पदस्थ एएनएम पद्मिनी यदु अऊ एमपीडब्ल्यु श्री कालीचरण ओगरे ल घलोक निलंबित करे के निर्देश दीन। ए अवसर म जिला पंचायत के मुख्य कार्यपालन अधिकारी डॉ. गौरव कुमार सिंह घलोक उपस्थित रहिन।
