रायपुर, 02 अप्रेल 2020। मुख्यमंत्री श्री भूपेश बघेल के हुकुम म राज्य भर म करीब एक लाख 85 हजार गरीब, मजदूर अउ निराश्रित मन ल निःशुल्क भोजन के प्रबंध जिला मन म स्थानीय प्रशासन अउ स्वयंसेवी संस्था मन के सहयोग ले करे जात हे। जानबा हे के कोरोन वायरस के संक्रमण ले होए लॉकडाउन के सेती जरूरतमंद गरीब, मजदूर अउ निराश्रित मन के आगू रोजी-रोटी के संकट ल देखत शासन-प्रशासन कोति ले राज्य के सबो जिला मन म निःशुल्क भोजन अउ राशन उपलब्ध कराए के व्यवस्था करे गए हे। ये काम म स्थानीय स्वयंसेवी संस्था अउ दानदाता घलोक अपन तरफ ले हरसंभव सहयोग करत हें।
मुख्यमंत्री श्री भूपेश बघेल के मंशा के मुताबिक राज्य के सबो जिला मन म गरीब, मजदूर, निराश्रित अउ जरूतमंद मनखे मन के भोजन अउ घर के प्रबंध करे गए हे। कैम्प म रहत मनखे मन बर जेमां छत्तीसगढ़ राज्य के अलावा दूसर राज्य मन के घलोक श्रमिक सामिल हें, ओ मन ल जिला प्रशासन कोति ले भोजन, चाय नाश्ता अउ चिकित्सा सुविधा निःशुल्क मुहैया कराए जात हे। मिले जानकारी के मुताबिक एक अप्रेल तक राज्य के 28 जिला मन म एक लाख 84 हजार 712 मनखे मन ल निःशुल्क भोजन अउ राशन के वितरण करे गए हे। स्वयंसेवी संस्था मन के सहयोग ले अब तक दू लाख एक हजार 298 मनखे मन ल जरूरी मदद अउ मास्क आदि के वितरण करे गए हे। रायपुर जिला म सबले जादा एक लाख 3 हजार 606 मनखे मन ल निःशुल्क भोजन अउ राशन देहे के संगेच ओ मन ल कोरोना संक्रामक बीमारी ले सुरक्षित रखे बर मास्क अउ आन सामाग्री के वितरण करे गए हे। अइसनहे सुकमा जिला म 4077, राजनांदगांव म 98,893, रायगढ़ म 46,232, बस्तर म 13,648, कांकेर म 2749, बीजापुर म 570, जशपुर म 1720, कोरिया म 4908, सूरजपुर म 5146, बालोद म 13,557, कबीरधाम म 973, बलौदाबाजार म 7900, धमतरी म 5740, दुर्ग म 5530, महासमुंद म 2347, बलरामपुर म 2782, कोरबा म 14,803, सरगुजा म 1122, जांजगीरचांपा म 1052, बिलासपुर म 5395, कोण्डागांव म 2924, दंतेवाड़ा म 17,519, बेमेतरा म 2445, गरियाबंद म 5268, नारायणपुर म 636, मुंगेली म 11, 437 अऊ गौरेला-पेण्ड्रा-मरवाही म 1529 जरूरतमंद मन ल निःशुल्क भोजन, राशन अउ आन सहायता उपलब्ध कराए गए हे।
