मुंगेली जिला ले रोजी-रोटी कमाए बर दूसर राज गए श्रमिक मन के बैंक खाता म अब तक 1 लाख 74 हजार रूपया जमा करे गीस
Surabhi Tiwari
मुंगेली, 04 अप्रैल2020। नोवेल कोरोना वायरस (कोविड-19) के वैश्विक संक्रमण ले निपटे बर भारत सरकार कोति ले पूरा देश म 21 दिन के लॉकडाउन के घोषणा करे गे हे। मुंगेली जिला ले आन राज्य मन म रोजी-राटी कमाय खाय गए श्रमिक अउ मजदूर मन के लॉकडाउन के समें म फसे होय के स्थिति म ओमन ल राहत देहे बर जिला प्रशासन कोति ले विशेष कार्ययोजना बनाके जिला स्तर म मानिटरिंग सेल के गठन करे गे हावय। ये टीम कोति ले रोजेच जिला कन्ट्रोल रूम 07755-274274 म ड्यूटी करत जिला अधिकारी के मोबाईल नंबर म मुंगेली जिला के मजदूर मन ल सहायता देहे के मांग करे जात हे। जेमा अधिकारी-कर्मचारी मन कोति ले उंखर व्हाट्सप म ग्रुप फोटो, मजदूर के नाम, पता अउ बैंक एकाउंट के विवरण प्राप्त करे जात हे।
जिला श्रम पदाधिकारी ह मजदूर ले प्राप्त विवरण के परीक्षण करके उन राज्य के अधिकारी मन से राहत सामग्री देवाएय के व्यवस्था करत हें। कोनो कारन से कहूं जिला के मजदूर मन ल तत्काल सहायता नई मिल पात हे तब जिला प्रशासन द्वारा ओखर खाता म राशन, दवाई अउ रोजमर्रा के जरूरत के सामान खरीदे बर ऑनलाईन राशि के अंतरण करे जावत हे। जिला प्रशासन द्वारा अब तक 1472 मजदूर ल एक लाख 74 हजार 800 रूपये के राहत राशि ओखर बैंक खाता म अंतरण करे गे हे। जेमा प्रमुख रूप से उत्तरप्रदेश, महाराष्ट्र, कर्नाटक, तेलंगाना, आन्ध्रप्रदेश, दिल्ली, मध्यप्रदेश, झारखण्ड, बिहार, राजस्थान, कर्नाटक, पश्चिम बंगाल, केरल अउ गुजरात राज्य में फसे मजदूर ल राहत राशि के लाभ देहे गए हे। एकर से नोवेल कोरोना वायरस (कोविड-19) के वैश्विक संक्रमण ले अउ पीड़ित, प्रभावित लोगन ल सहायता प्रदान करे बर जिला कलेक्टर डॉ. सर्वेश्वर नरेन्द्र भुरे के द्वारा अभिनव पहल करे गे हावय। जेमा कलेक्टर डॉ. भुरे द्वारा करे गये अपील म मुंगेली जिला सहायता कोष म जिला के अधिकारी-कर्मचारी मन के संग कई स्वैच्छिक संगठन अउ आम नागरिक मन राशि दान भेंट म मिलत हवय।
एखरे संग चेम्बर ऑफ कामर्स ले जुड़े किराना व्यापारी, सब्जी व्यापारी अउ आम नागरिक घलो चांवल, दाल , सूखा राशन सामग्री के दान के संग नगद राशि जिला के नगर पालिका मुंगेली अउ नगर पंचायत लोरमी, पथरिया, सरगांव ले भी प्राप्त होवत हे। जेखर उपयोग जिला के गरीब, असहाय, बेघर लोगन के मदद के संग आन राज्य में रहइया मुंगेली जिला के मजदूर मन ल लॉकडाऊन के दौरान फौरी तौर म राहत प्रदान कर, भोजन, दवाई, रोजमर्रा के जरूरत पूरा करे के बर विशेष रूप से सहायता प्रदान करे जावत हे। जिला प्रशासन के ये टीमन केवल मुंगेली जिला के मजदूर अउ श्रमिक ल राहत प्रदान करत हे। भलुक आन राज्य के श्रमिक अउ मजदूर मन ल घलव राहत प्रदान करत हे। जिला ले गुजरैया राष्ट्रीय राजमार्ग रायपुर ले बिलासपुर मार्ग म पैदल अपन घर लहुटत उत्तरप्रदेश, बिहार, झारखण्ड, मध्यप्रदेश, उड़ीसा के श्रमिक बर जिला के सरगांव नगर पंचायत म आवास अउ भोजन के विशेष रूप से व्यवस्था करके राहत देहे जात हे। अइसने नगर पालिका मुंगेली, नगर पंचायत लोरमी, पथरिया अउ सरगांव द्वारा घलो असहाय, बेघर श्रमिक बर सूखा राशन भोजन पैकेट वितरण के कार्य भी नियमित रूप से करे जावत हे। एखर संगें-संग टीम के अधिकारी मन के द्वारा कोरोना संक्रमण ले बचे बर महिला स्व-सहायता समूह के माध्यम ले स्थानीय स्तर म कपड़ा के मास्क अउ हेण्ड ग्लब्स के निर्माण घलो कराए जावत हे। जिला कलेक्टर द्वारा सब्बो कार्य ल संचालित अउ संपादित कर गठित टीम म नोडल अधिकारी के रूप म जिला पंचायत सी.ई.ओ. श्रीमती नूपुर राशि पन्ना ल नियुक्त करे गए हे। टीम म डिप्टी कलेक्टर, सुश्री निकीता मरकाम, महिला एवं बाल विकास विभाग के जिला कार्यक्रम अधिकारी श्री राजेन्द्र कश्यप, जिला शिक्षा अधिकारी श्री जी.पी. भारद्वाज, जिला रोजगार अधिकारी श्री व्ही. के. केडिया, छ.ग. राज्य अत्यावसायी वित्त एवं विकास निगम मुंगेली के प्रभारी श्री देवेन्द्र जांगड़े, जिला क्रेडा अधिकारी श्री सिद्धार्थ कमाविसदार, कौशल विकास प्राधिकरण के सहायक परियोजना अधिकारी श्रीमती निखत कुरैशी, एमआईएस प्रशासक श्री अशोक सोनी, एनआरएलएम सुश्री भारती साहू, स्वस्थ्य भारत प्रेरक श्री राहुल साहू सहित लिपिक अउ कम्प्यूटर आपरेटर शामिल हें।
