डोंगरगढ़: खैरागढ़ ब्लॉक के ग्राम पंचायत दैहान म अज्ञात बीमारी ले पिछला 10 दिन ले 115 बकरी मन के मउत हो गए हे। बकरी मन के मउत ल लेके ग्रामीण मन म दहशत के माहौल बने हे। वहीं, ग्रामीण मन पशु विभाग के डॉक्टर राजू शर्मा अउ विभाग के कर्मचारी मन के ऊपर इलाज म लापरवाही बरते तथा अवैध वसूली के आरोप लगात हुए कलेक्टर ले शिकायत करे हे।
ग्रामीण मन ले मिले जानकारी के अनुसार 6 फरवरी ले बकरी मन के मउत के सिलसिला शुरू होय हे। ग्रामीण मन बकरी मन के होवत मउत के जानकारी पशु विभाग ल दिस, जेखर बाद उपचार बर मौका म पहुंचे पशु विभाग के टीम ह बकरी मन के दस्त अउ खून के जांच के सैंपल लेके लेबोरटरी भेजिस। लेकिन जांच के बाद घलो बकरी मन के मउत के कारण आगु नई आइस।
10 दिन के अंदर 115 बकरी मन के मउत, मचिस अफरातफरी, ग्रामीण मन डॉक्टर ऊपर लगाइस लापरवाही के आरोप
