रायपुर 18 अप्रैल 2020। कोरोना वायरस कोविड- 19 के संक्रमित मरीज मन बर स्वास्थ्य विभाग ह रायपुर के आयुर्वेद कॉलेज परिसर अऊ लालपुर के लेप्रोसी हॉस्पिटल (आर.एल.टी. आर.आई ) म 100-100 बिस्तर वाले आईसोलेशन सेंटर बनाए के निर्णय लेहे गए हे।
स्वास्थय विभाग के सचिव श्रीमती निहारिका बारिक सिंह ह ये दुनों संस्था मन म आईसोलेशन सेंटर तियार करे बर विभागीय अधिकारी मन ल मौका मुआयना करके कार्ययोजना बनाए के हुकुम दिए हें। स्वास्थ्य सचिव ह इहां पदस्थ चिकित्सक मन ल घलोक कोरोना संक्रमण के रोकथाम के संबंध म प्रशिक्षण देहे ल कहे हें। जानबा हे के कोरोना वायरस कोविड -19 के मरीज मन बर एम्स रायपुर अऊ मेकाहारा म 500-500 बिस्तर वाला अऊ माना के सिविल हॉस्पिटल म 100 बिस्तर वाला कोरोना समर्पित हॉस्पिटल तियार करे गए हे।
