रायपुर, 9 जून 2020। छत्तीसगढ़ म कोरोना मरीज मन के संख्या दिनों दिन तेजी ले बढ़त हे. सोमवार के 100 नवा मरीज मिले हे. देर रात मिले 37 नवा कोरोना पाज़िटिव मरीज म सरगुजा ले 10, मुंगेली 9, रायगढ़ 6, जांजगीर 5, बिलासपुर 4, सूरजपुर 2 अउ जशपुर ले 1 मरीज शामिल हे. उहंचे 27 मरीज़ राजनांदगांव मेडिकल कॉलेज ले स्वस्थ होय के बाद डिस्चार्ज होइस हे.
एखर अलावा मिले जानकारी के अनुसार रायपुर एम्स ले कोविड-19 ले एक अउ मउत होगे हे. दुरुग के 24 साल के युवती के सोमवार शाम मउत होय हे. एम्स प्रबंधन ह कोविड-19 ले मउत के की पुष्टि करे हे. छत्तीसगढ़ म कोरोना ले मउत के आंकड़ा बढ़ के अब 5 होगे हे.
एखर पहली देर शाम तक 67 मरीज अउ मिले रहिस. रायपुर के 4 नवा मरीज के अलावा बलौदाबाजार ले 8, कोरबा ले 14, मुंगेली ले 11 राजनांदगांव ले 5, कोरिया ले 5, कांकेर ले 5, कबीरधाम ले 6, जांजगीर चांपा ले 4, बेमेतरा ले 3, रायगढ़ ले 1 मरीज के संग शहडोल ले घलो 1 मरीज के पहिचान करे गे हे. अब प्रदेश म कुल एक्टिव मरीज मन के संख्या 858 पहुंच गे हे.
