जशपुर, 26 सितमबर 2024। मुख्यमंत्री श्री विष्णु देव साय ह जशपुर जिला के ग्राम बगिया म 100 कुंभकार शिल्पकार मन ल निःशुल्क इलेक्ट्रिक चाक बांट के ओ मन ल बधाई अऊ शुभकामना दीन। ए मौका म शिल्पकार मन ह मुख्यमंत्री ल कलाकृति घलोक भेंट करिन।
अखिल भारतीय प्रजापति कुम्भकार महासंघ के प्रांत संरक्षक श्री शम्भू नाथ चक्रवर्ती ह मुख्यमंत्री के आभार व्यक्त करत कहिन के इलेक्ट्रिक चाक ले कुंभकार मन के कला म जादा निखार आही अऊ उंखर आय बढ़ाए म मदद मिलही। उमन बताइन के जशपुर जिला म 195 गांव म 2236 कुम्भकार परिवार के 100 शिल्पकार हे। ए सबो ल निःशुल्क इलेक्ट्रिक चॉक बांटे गए हे।
जानबा हे के माटी कला बोर्ड कोति ले कुम्भकार टेराकोटा योजना के तहत 22 हज़ार 2 सौ लागत के इलेक्ट्रिक चाक कुंभकार मन ल निःशुल्क प्रदान करे गए हे।
