रायपुर, 22 जून 2020। छत्तीसगढ़ माध्यमिक शिक्षा मंडल (माशिमं) द्वारा 10वीं-12वीं कक्षा के परीक्षा परिणाम काली यानी 23 जून के घोषित कर दिये जाही. एखर पुष्टि माध्यमिक शिक्षा मंडल सचिव वीके गोयल ह करिस हे. स्कूल शिक्षा मंत्री डॉ. प्रेम सिंह साय टेकाम खुद परीक्षा परिणाम बिहनिया 11 बजे घोषित करही. जानकारी के अनुसार 10वीं-12वीं कक्षा के मूल्यांकन पूरा कर लिये गे हे.
एखर पहली कोरोना संक्रमण अउ लॉकडाउन के सेती ले 10वीं अउ 12वीं के शेष परीक्षा मन नई हो पाये रहिस. जोन विषय मन के पेपर होय रहिस, वो कॉपी मन के मूल्यांकन के कार्य पूरा हो चुके हे. बचे विषय मन म आंतरिक मूल्यांकन के आधार म अंक दे के फैसला ले गे हे. बोर्ड प्रबंधन अब रिजल्ट जारी करे के तइयारी करत हे आपमन माध्यमिक शिक्षा मंडल के वेबसाइट https://cgbse.nic.in/ म रिजल्ट ल ऑनलाइन देख पाहु.
