रायपुर, 26 नवम्बर 2020। छत्तीसगढ़ माध्यमिक शिक्षा मंडल के हाईस्कूल, हायर सेकेण्डरी, हायर सेकेण्डरी व्यावसायिक पूरक परीक्षा 2020 अऊ डीएलएड प्रथम वर्ष मुख्य परीक्षा 28 नवम्बर के प्रारंभ होत हे। परीक्षा म लगभग 87 हजार छात्र सम्मिलित होही। छत्तीसगढ़ माध्यमिक शिक्षा मण्डल के सचिव प्रोफेसर वीके गोयल ह बतइस कि कोरोना महामारी के मद्देनजर ये वर्ष मान्यता प्राप्त सबो संस्था ल परीक्षा केन्द्र बनाया गए हे। समस्त परीक्षा केन्द्र ल कोविड-19 महामारी के बचाव बर शासन द्वारा देहे गए निर्देश के पालन करे बर निर्देशित करे गए हे। ओमन बतइस कि परीक्षा संबंधी सबो व्यवस्था पूरा करे जा चुके हे। परीक्षा म सम्मिलित छात्र-छात्रा के प्रवेश पत्र संबंधित स्कूल म भेजे जा चुके हे। एखर अतिरिक्त प्रवेश पत्र मण्डल के वेबसाइट www.cgbse.nic.in म अपलोड करे गए हे। छात्र मण्डल के वेबसाइट ले घलो अपलोड करके अपन प्रवेश पत्र प्राप्त कर सकत हे।
गुरतुर गोठ बर- भीषम वर्मा