रायपुर, 9 अप्रैल 2021। प्रदेश म कोरोना संक्रमण सरलग बढ़त हे। येला देखत हुए मुख्यमंत्री भूपेश बघेल ह 10वीं अऊ 12वीं बोर्ड परीक्षा आगु बढ़ाये के ऐलान करे हे। अभी स्कूल शिक्षा विभाग ह 10वीं के परीक्षा स्थगित करे के आदेश जारी कर देहे हे। हालांकि मुख्यमंत्री ह 10वीं अऊ 12वीं के परीक्षा तिथि बढ़ाये के बात कहिन हे। आदेश म स्कूल शिक्षा सचिव वीके गोयल ह कहिन कि राज्य म वर्तमान म प्रतिदिन कोरोना के अब्बड़ मामला आगु आवत हे। जेखर सेती कई जिला मन म लॉकडाउन करे गए हे। येला ध्यान म रखत हुए कक्षा 10वीं के परीक्षा स्थगित करे जावत हे। अवइया निर्णय समयानुसार लेहे जाही।
