मुख्यमंत्री ह फोन ले कक्षा दसवीं बोर्ड म टाॅप-10 मे राज्य मे पहली स्थान प्राप्त करइया छात्रा सुश्री प्रज्ञा कश्यप ल दीन बधाई अउ शुभकामना

रायपुर 24 जून 2020// मुख्यमंत्री भूपेश बघेल ह छत्तीसगढ़ माध्यमिक शिक्षा मंडल द्वारा आज जारी कक्षा दसवीं परीक्षा में प्रावीण्य सूची में प्रथम स्थान प्राप्त करइया जिला के छात्रा सुश्री प्रज्ञा कश्यप ल फोन ले अपन बधाई शुभकामना दीन। एखर लिए छात्रा सुश्री प्रज्ञा कश्यप ह मुख्यमंत्री श्री बघेल ल धन्यवाद दिन अउ आशीर्वाद लिन। मुख्यमंत्री श्री बघेल ह छात्रा सुश्री प्रज्ञा कश्यप ल पारिवारिक पृष्ठ भूमि अउ भविष्य में का बने के लक्ष्य हे के संबंध मे जानकारी प्राप्त करिन। छात्रा सुश्री प्रज्ञा कश्यप ह कहीन कि ओहा आई.ए.एस बनना चाहत हे। ये अवसर म अपन लक्ष्य ल प्राप्त करे के लिए लगन से कड़ी मेहनत करे के समझाईश दीन। मुख्यमंत्री श्री बघेल ह ऊंखर ददा श्री शिव कुमार कश्यप अउ दाई श्रीमति लता देवी से भी आत्मीयता से बात-चीत करिन अउ कुशलक्षेम जानिन । मुख्यमंत्री श्री बघेल ह श्री शिव कुमार कश्यप ले खेती किसानी आदि के संबंध मे भी जानकारी प्राप्त करिन ।