रायपुर, 15 जून 2020। प्रदेश म रविवार के 113 कोरोना पॉजिटिव मरीज मन के पहिचान करे गिस. नवा पॉजिटिव केस म कोरबा जिला ले 44, बलरामपुर 28, जांजगीर-चांपा 14, दुर्ग, रायगढ़ अउ रायपुर 6-6, बलौदाबाजार 3, गरियाबंद, बिलासपुर अउ जशपुर ले 2-2 मरीज आगु आये हे. एखर पुष्टि कोरोना कंट्रोल एंड कमांड सेंटर ह करिस हे.
प्रदेश म कोरोना संक्रमण ले रविवार के 2 मरीज मन के मउत होइस. दुनो मउत ल मिला के प्रदेश म मउत के आंकड़ा आठ पहुंच गे हे. इही बीच एक राहत भरे खबर घलो आये हे. 84 कोरोना पॉजिटिव मरीज स्वस्थ होके अपन घर लहुटे हे. राज्य म अब तक 715 लोग मन कोरोना ले जंग जीत चुके हे. कोरोना के एक्टिव मरीज मन के संख्या 939 होगे हे. छत्तीसगढ़ म कुल कोरोना संक्रमित मन के संख्या 1662 होगे हे.
