राज्य स्तरीय युवा उत्सव 12 ले 14 जनवरी तक रायपुर म : कांकेर जिला के 136 भाग लेवइया अपन कला के प्रदर्शन करहीं

उत्तर बस्तर कांकेर, राज्य स्तरीय युवा उत्सव 12 ले 14 जनवरी तक राजधानी रायपुर म आयोजित करे जाही, जेमां कांकेर जिला के भाग लेवइया घलोक भाग लेहीं। खेल अउ युवा कल्याण विभाग कोति ले एखर बर व्यापक तैयारी करे जात हे। जिला खेल अधिकारी ह बताइस कि कांकेर जिला ले 136 भाग लेवईया मन कोति ले कई ठन विधा मन म अपन कला के प्रदर्शन करहीं। सबो भाग लेवईया मन ल युवा उत्सव म भाग लेहे बर 11 जनवरी के रायपुर रवाना करे जाही।

राज्य स्तरीय युवा महोत्सव म कांकेर जिला ले सामूहिक लोकनृत्य म दुर्गूकोंदल विकासखण्ड ले 19 भाग लेवइया अउ कांकेर विकासखण्ड ले 10 भाग लेवईया मन अपन कला के प्रदर्शन करहीं। अइसनहे एकांकी नाटक म कांकेर विकासखण्ड के 11 भाग लेवइया अऊ शास्त्रीय गायन म एक भाग लेवइया सामिल होही, संगतकार म दू भाग लेवइया, बांसुरी वादन म नरहरपुर विकासखण्ड ले दू भाग लेवइया, तबला वादन म कोयलीबेड़ा अउ दुर्गूकोंदल विकासखण्ड ले एक-एक भाग लेवइया, हारमोनियम म नरहरपुर विकासखण्ड ले एक भाग लेवइया, ओडीसी नृत्य म कांकेर विकासखण्ड ले एक भाग लेवइया अउ भरत नाट्यम म एक, कत्थक नृत्य म एक, वक्तृत्व कला अंतागढ़ अउ कांकेर विकासखण्ड ले एक-एक भाग लेवइया, गेड़ी दौड़ म कांकेर विकासखण्ड ले दो भाग लेवइया अऊ डंडा नाचा म चारामा विकासखण्ड के 14 भाग लेवइया, पारंपरिक वेशभूषा म भानुप्रतापपुर अउ कांकेर विकासखण्ड ले एक-एक भाग लेवइया, चित्रकला म चारामा विकासखण्ड ले एक, वाद-विवाद म भानुप्रतापपुर अउ कांकेर ले एक-एक भाग लेवइया, क्विज प्रतियोगिता म चारामा ले एक, निबंध म दुर्गूकोंदल अउ कांकेर ले एक-एक, फुड-फेस्टिवल म कांकेर विकासखण्ड ले एक अऊ कबड्डी प्रतियोगिता म नरहरपुर अउ कांकेर विकासखण्ड ले 12-12 भाग लेवइया सामिल होही। खो-खो म पुरूष वर्ग ले अंतागढ़ अऊ कांकेर विकासखण्ड ले 12-12 भाग लेवइया अऊ महिला वर्ग म कांकेर विकासखण्ड ले 12 भाग लेवइया अपन कला के प्रदर्शन करहीं।

हम आप ल बता देवन के राज्य शासन कोति ले देहे गे हुकुम के मुताबिक जिला के सबो विकासखण्ड मन म विकासखण्ड स्तरीय युवा महोत्सव के आयोजन करे गए रहिस, जेमां ले चुने गए भाग लेवईया मन ल 07 दिसम्बर के गोविंदपुर म आयोजित जिला स्तरीय युवा महोत्सव म अपन कला के प्रदर्शन के अवसर प्राप्त होय रहिस। जिला स्तरीय युवा महोत्सव म अच्छा प्रदर्शन करइया मन अउर लोक कलाकार मन ल राज्य स्तरीय युवा महोत्सव म अपन कला के प्रदर्शन के अवसर प्राप्त होवत हे। जिला खेल अधिकारी ह बताइस कि जिला के चारामा, दुर्गूकोंदल अउ भानुप्रतापपुर विकासखण्ड म 08 नवम्बर, नरहरपुर विकासखण्ड म 06 नवम्बर, अंतागढ़ विकासखण्ड म 11 नवम्बर, कांकेर विकासखण्ड म 15 नवम्बर अऊ कोयलीबेड़ा विकासखण्ड म 10 नवम्बर ल विकासखण्ड स्तरीय युवा महोत्सव के आयोजन करे गए रहिस, जेमां लोकनृत्य, लोक गीत, बांसुरी वादन, तबला वादन, हारमोनियम वादन, गेड़ी नृत्य, निबंध प्रतियोगिता, चित्रकला, वाद-विवाद, तत्कालिक भाषण, भरतनाट्यम, कबड्डी, खो-खो, क्वीज प्रतियोगिता, पारंपरिक वेशभूषा, डंडा नृत्य, शास्त्रीय गायन, निबंध अऊ राउत नाचा आदि विधा मन म अपन कला के प्रदर्शन करे गए रहिस, जऊन ल मनखे मन ह अड़बड़ सहराए रहिन। विकासखण्ड स्तरीय प्रतियोगिता के बाद कलाकार मन जिला स्तरीय प्रतियोगिता म अपन कला के प्रदर्शन करे रहिन, अब ओ मन राज्य स्तरीय युवा महोत्सव म अपन कला के प्रदर्शन करहीं।