- स्कूल खुले के बाद ही जारी होही नियुक्ति आदेश
- कागद सत्यापन, मेडीकल फिटनेस अऊ पुलिस वेरिफिकेशन के बाद जारी होही नियुक्ति आदेश
रायपुर, 16 सितम्बर 2020। मुख्यमंत्री श्री भूपेश बघेल के निर्देश म स्कूल शिक्षा विभाग कोति ले वित्त विभाग के सहमति के बाद 14 हजार 580 शिक्षक मन के पद म नियुक्ति के संबंध म आदेश जारी करे गीस। शिक्षक मन के नियुक्ति आदेश राज्य शासन कोति ले स्कूल खुले के आदेश जारी होए के बाद जारी करे जाही। जानबा हे के मुख्यमंत्री श्री बघेल ह स्कूल शिक्षा विभाग म शिक्षक मन के भर्ती प्रक्रिया म तेजी लाय अऊ ये संबंध म एक हफ्ता के भीतर रिपोट प्रस्तुत करे के निर्देश देहे रहिन।
स्कूल शिक्षा विभाग ल वित्त विभाग कोति ले शिक्षक मन के नियुक्ति के अनुमति शर्त मन के संग प्रदान करे हे। स्कूल शिक्षा विभाग कोति ले जारी नियुक्ति आदेश म स्पष्ट रूप ले उल्लेख होही के ’नियुक्ति कोनो न्यायालय म लंबित या भविष्य म दायर कोनो प्रकरण म माननीय न्यायालय कोति ले पारित आदेश के अध्याधीन होही’। नियुक्ति आदेश हरेक चुने गए अभ्यर्थी बर अलग-अलग जारी करे जाही। नियुक्ति आदेश म शिक्षक मन के वरिष्ठता व्यापम कोति ले जारी प्रावीण्य सूची के क्रमानुसार रइही। शिक्षक मन के परीक्षा अवधि तीन साल के होही। राज्य शासन कोति ले परिवीक्षा अवधि के समय देय वेतन अऊ आन लाभ के संबंध म जारी नियम लागू होही।