रायपुर, 11 अगस्त 2020। वन विभाग डहर ले वन के सुरक्षा खातिर सघन अभियान चलाये जावत हे। इही कड़ी म बिलासपुर वन मंडल के अंतर्गत गत दिवस बेेलगहना वन परिक्षेत्र के ग्राम लमनी डबरी म छापामार कार्रवाई करे गिस। वन मंडलाधिकारी कुमार निशांत के निर्देशन म गठित टीम डहर ले खोजबीन म एक मनखे के घर ले 143 ठन सागौन अउ आने प्रजाति के चिरान जब्त करे गिस। येखर अनुमानित मूल्य 50 हजार रुपिया ले जादा आंके गिस। येमा लमनी डबरी के संलिप्त एक झन मनखे के विरूद्ध म भारतीय वन अधिनियम के तहत अपराध दर्ज कर जांच के कार्रवाई चलत हवे। कार्रवाई के दौरान टीम म उप मंडलाधिकारी कोटा डीएन त्रिपाठी अउ वन परिक्षेत्र अधिकारी विजय कुमार साहू अउ विभागीय अमला के सराहनीय योगदान रहिस।
सागौन के 143 नग अवैध चिरान जब्त, वन के सुरक्षा बर सघन अभियान जारी
