दंतेवाड़ा, 13 अगस्त 2020। दंतेवाड़ा जिला म 3 इनामी नक्सली सहित 16 नक्सली मन ह एसपी अभिषेक पल्लव के पास लोन वर्राटू (घर वापस आओ) अभियान के तहत सरेंडर करे हे. सरेंडर सबो नक्सली अलग-अलग थाना क्षेत्र ले हे. बता देथन तीन समर्पित नक्सली मन उपर सरकार ह 1-1 लाख के इनाम घोषित करे रिहिस. इनामी तीनों नक्सली जनमिलिशिया कमांडर हे. समर्पित नक्सली हत्या, लूटपाट, आगजनी, पुलिस रेकी जइसे कई अपराध म शामिल रिहिस. एसपी ह कहिन कि मुख्यधारा म लहुटने वाला सबो नक्सली मन ल छत्तीसगढ़ पुनर्वास नीति के तहत लाभ मिलही. अब तक ये अभियान के तहत 83 नक्सली सरेंडर कर चुके हे.
लोन वर्राटू अभियान : 3 इनामी सहित 16 नक्सली मन ह करिन समर्पण, कई घटना मन म रिहिस शामिल
