18 नक्सली मन ह करिन आत्मसमर्पण

दंतेवाड़ा 24 अप्रैल 2024। प्रदेश के नक्सल प्रभावित क्षेत्र ले एक पईत फेर बड़का खबर आए हे। जानबा हे  कि अलग-अलग इलाका मन म सक्रिय 18 नक्सली मन ह आत्मसमर्पण करे हें। लोन वर्राटू अभियान के तहत पुलिस ल सफलता मिलेेहे । ए 18 नक्सली मन ह एसपी गौरव रॉय के आगू  आत्मसमर्पण करे हें। खबर हवय के ये सबो भैरमगढ़ अऊ मलांगेर एरिया कमेटी म सक्रिय रहिन। जानबा हे के पुलिस के अपील के माओवादी मन उपर जबर असर होवत हे। उमन हिंसा के रद्दा ल छोड़के लोकतंत्र अऊ सविंधान उपर विश्वास जतात ‘लोन वर्राटू अभियान’ ले प्रभावित होके आत्मसमर्पण करत हें। ये सबो माओवादी नक्सली बंद के समय रोड खोदइ, पेड़ काटइ अऊ नक्सली बैनर पोस्टर लगाय के घटना म सामिल रहिन। खबर येह हे के लोन वर्राटू अभियान के तहत अब तक 177 इनामी माओवादी समेत कुल 738 माओवादी आत्मसमर्पण कर डरे हें।