रायपुर, 10 फरवरी 2021। नवा रायपुर अटल नगर परिक्षेत्र के अंतर्गत उप परिक्षेत्र अभनपुर म विगत दिवस अवैध रूप ले लकड़ी के परिवहन करत दू ट्रैक्टर ल जप्त करके अभनपुर डिपो म रखे गए हे। जब्त करे गए लकड़ी के बाजार मूल्य लगभग 50 हजार रूपिया हे।
वनमंडलाधिकारी विश्वेश कुमार के निर्देशन म अभनपुर के वन विभाग के मैदानी अमला द्वारा लकड़ी चोर मन ऊपर विशेष निगरानी रखे जावत हे। इही अभियान के तहत अवैध लकड़ी परिवहन करत हुए ट्रैक्टर क्रमांक सीजी 05 सी 7730 अउ ट्रैक्टर क्रमांक सीजी 05 जी 1002 ल 10 चट्टा जलाऊ लकड़ी सहित जब्त करके छत्तीसगढ़ वनोपज अभिवहन नियम के अंतर्गत कार्यवाही करे गए हे। वनमंडलाधिकारी ह उप वनमंडलाधिकारी अउ परिक्षेत्र अधिकारी ल विशेष टीम गठित करके वनोपज के अवैध परिवहन अउ संग्रहण ऊपर कड़ाई ले रोक लगाये तथा वाहन अउ आरामील मन के सरलग रूप ले जांच करे के निर्देश देहे हे।
