लोकवाणी म ये पइत आदिवासी अंचल के गोठ

रइपुर, 27 जुलाई 2021 मंगल। मुख्यमंत्री दाउ भूपेश बघेल अपन मासिक रेडियोवार्ता लोकवाणी म ये पइत आदिवासी अंचल मन के आसरा अउ विकास विषय म गोठबात करहीं। ये संबंध म कोनो भी मनखे आकाशवाणी रइपुर के दूरभाष नंबर 0771-2430501, 2430502, 2430503 म 28, 29 अउ 30 जुलाई के मंझनिया 3 ले 4 बजे के बीच फोन करके अपन सवाल रिकाॅर्ड करा सकत हे। मुख्यमंत्री दाउ भूपेश बघेल के मासिक रेडियो वार्ता लोकवाणी के 20 वीं कड़ी के प्रसारण 8 अगस्त 2021 के होही। लोकवाणी के प्रसारण छत्तीसगढ़ स्थित आकाशवाणी के जम्मो केंद्र, एफएम रेडियो अउ क्षेत्रीय समाचार चैनल मन ले बिहिनिया 10.30 ले 11 बजे होही।