रायपुर, मुख्यमंत्री श्री भूपेश बघेल ह आज कहिन कि कोनो समाज के प्रगति बर समाज म एकता, संगठन अऊ चरित्र जरूरी हे। श्री बघेल आज इहां महादेव घाट म आयोजित हरदिया साहू समाज के वार्षिक अधिवेशन ल संबोधित करत रहिन। उमन समाज के मनखे मन के मांग म सामाजिक भवन बर जगह चिन्हांकित होए म जमीन आवंटित कराए बर आश्वस्त घलोक करिन।
रायपुर, मुख्यमंत्री श्री भूपेश बघेल आज भिलाई के सेक्टर-6 म राज्यसभा सांसद श्रीमती छाया वर्मा के पिता स्वर्गीय श्री रतन लाल टिकरिया के दशगात्र कार्यक्रम म सामिल होइन। मुख्यमंत्री श्री बघेल ह इहां पहुँच के स्वर्गीय श्री टिकरिया के फोटू म पुष्प अर्पित करके श्रद्धांजलि दीन। उमन परिवारजन मन ले भेंटकरके ओ मन ल सांत्वना दीन अऊ स्वर्गीय श्री टिकरिया के संग बिताए पल मन ल सुरता करिन।
रायपुर, स्वास्थ्य अउ परिवार कल्याण अउ सरगुजा जिला के प्रभारी मंत्री श्री टी.एस. सिंहदेव ह कहिन हे कि श्रीराम के चरण स्पर्श ले पवित्र जमीन, विश्व के प्राचीनतम नाट्यशाला अउ महाकवि कालीदास के मेघदूतम के रचना स्थली रामगढ़ के पहाड़ी के गौरव अऊ ख्याति ल देश विदेश तक पहुंचए बर समन्वित प्रयास करना होही। श्री सिंहदेव आज सरगुजा जिला के उदयपुर जनपद के रामगढ़ के पहाड़ी म आयोजित रामगढ़ महोत्सव के समापन समारोह ल संबोधित कर रहय रहिन।