Day: September 3, 2019

शुद्ध पेयजल प्रदाय करना विभाग के पहिली प्राथमिकता: मंत्री गुरू रूद्रकुमार

Surabhi Tiwari

जल आवंर्धन योजना अंतर्गत इंटकवेल के टेस्टिंग काम के शुभारंभ नगर पालिका निगम भिलाई-चरौदा म 100 करोड़ के लागत के जल आवर्धन योजना चालू रायपुर, लोक स्वास्थ्य यांत्रिकी मंत्री गुरू रूद्रकुमार ह आज महादेव घाट स्थित नगर पलिका निगम भिलाई-चरौदा म करीबन 100 करोड़ रूपिया के लागत ले बनइया जल आवर्धन योजनांतर्गत इंटकवेल टेस्टिंग काम के शुभारंभ करिस। ये बेरा म मंत्री गुरू रूद्र ह कहिन कि अभी हाले म जल आवर्धन योजना के टेस्टिंग काम सुरू हो गए हे, लउहे पेयजल समस्या ले छुटकारा मिलही। शुद्ध पेयजल प्रदाय करना…

राज्य स्तरीय आंकलन कार्यशाला म सिखाये गीस सवाल बनाना

Surabhi Tiwari

रायपुर, राज्य शैक्षिक अनुसंधान अऊ प्रशिक्षण परिषद कोति ले आज इहां आयोजित अपन कार्यालय परिसर म राज्य स्तरीय आंकलन अऊ सवाल पत्री बनाए के प्रारंभिक कार्यशाला आयोजित करे गीस। ये कार्यशाला 7 सितमबर तक चलही। कार्यशाला म सवाल मन के स्वरूप, प्रकार, रूब्रिक्स, ब्लूप्रिंट आदि के रचनात्मक अऊ योगात्मक आंकलन के स्वरूप निरधारित करके ओला आखरी रूप देहे के प्रक्रिया ल समझाये गीस। कार्यशाला म सबो प्राचार्य शिक्षा महाविद्यालय रायपुर अऊ सबो डाइट के प्राचार्य, विसय विशेषज्ञ उपस्थित रहिन।

मुख्यमंत्री ह प्रदेशवासी मन ल दीन नवाखाई के बधाई

Surabhi Tiwari

रायपुर, मुख्यमंत्री श्री भूपेश बघेल ह प्रदेशवासी मन ल नवाखाई के बधाई अऊ शुभकामना दिए हें। मुख्यमंत्री ह अपन शुभकामना संदेश म कहे हें कि आज ऋषि पंचमी के दिन नवाखाई तिहार के रूप म मनाए जाथे। ये तिहार नवा फसल के आगमन, धरती अउ भगवान के वंदन अऊ किसान भाई मन के बधुंत्व अऊ एकत्व के चिनहा ये। उमन सबो प्रदेशवासी मन ल गांव के खुशहाली अऊ सामाजिक संबंध ल प्रगाढ़ करइया ये तिहार के हार्दिक शुभकामना दिए हें।