कारीगर अऊ हस्तशिल्पि मन ह राज्योत्सव बर मानिन राज्य सरकार के आभार रायपुर, छत्तीसगढ़ राज्य के स्थापना दिवस के उपलक्ष्य म आयोजित पांच दिवसीय समारोह म स्थानीय साइंस कालेज मैदान म लगाए गे ग्रामोद्योग (शिल्पकला) उत्पाद मन ल खरीदार मन के अच्छा प्रतिसाद मिलीस। एखर से ग्रामोद्योग ले जुड़े कारीगर बिक्कट उत्साहित हें। राज्योत्सव म हस्तशिल्पि मन अऊ कारीगर मन कोति ले करीबन 75 लाख 98 हजार रूपिया के व्यवसाय करे गीस। कारीगर अऊ शिल्पि मन ह अइसन आयोजन बर राज्य सरकार के प्रति आभार व्यक्त करे हें।
Day: November 8, 2019
मुख्यमंत्री ह शहीद श्री नंद कुमार पटेल ल उंकर जयंती म सुरता करिन
रायपुर, मुख्यमंत्री श्री भूपेश बघेल ह पूर्व गृहमंत्री शहीद श्री नंदकुमार पटेल ल ऊंखर जन्मदिन म सुरता करत ओ मन ल नमन करिन। मुख्यमंत्री ह कहिन कि श्री पटेल जमीन ले जुड़े जननेता रहिन। ओ मन छत्तीसगढ़ ल आसमान के ऊंचाई तक ले जाय के सपना देखत रहिन। श्री बघेल ह भावुक होत कहिन कि श्री पटेल मोर बड़े भाई के समान रहिस, ओखर हाथ आज घलोक मोला अपन खांध म महसूस होथे।
उच्च शिक्षामंत्री श्री उमेश पटेल ह शहीद श्री नंदकुमार पटेल के जयंती म दीन श्रद्धांजलि
रायपुर, उच्च शिक्षा, खेल अउ युवा कल्याण मंत्री श्री उमेश पटेल ह आज अपन पिता अउ पूर्व गृहमंत्री शहीद श्री नंदकुमार पटेल ल उंखर जयंती के अवसर म रायगढ़ जिला के नंदेली स्थित शांति बगिया समाधि स्थल म श्रद्धांजलि अर्पित करिन। ये बेरा म ऊंखर परिजन अउ जनप्रतिनिधि मन ह घलोक श्रद्धासुमन अर्पित करिन।