रायपुर, युवा जोश अऊ हुनर के झंकार के झलक आज राजधानी म नजर आईस। प्रदेश के सबो जिला मन ले आए युवा कलाकार मन ह छत्तीसगढ़ के ग्रामीण संस्कृति अउर कला के पृष्ठभूमि उपर आधारित नृत्य अउर कार्यक्रम के शानदार प्रस्तुति दीन। राज्यस्तरीय ये आयोजन म लोकनृत्य ह सबके मन मोह लीस उहें करमा अऊ राउत नाच जइसे कार्यक्रम ल देखके सबो रोमांचित होत रहिन।
रायपुर, राज्य स्तरीय युवा महोत्सव के पहिली दिन आज इहां पं. दीनदयाल उपाध्याय ऑडिटोरियम म गिटार वादन अऊ सितार वादन प्रतियोगिता संपन्न होइस। युवा कलाकार मन ह दुनों वाद्ययंत्र म अलग-अलग राग म तान छेड़त दर्शक मन ल मंत्रमुग्ध करिन। युवा मन ह राग भैरव, राग पूर्वी, राग आशावरी, राग जोग, राग भैरवी अऊ पूरिया धनाश्री संग बहुत अकन राग उपर आधारित मनमोहक प्रस्तुति दीन।
रायपुर, राज्य स्तरीय युवा महोत्सव के पहिली दिन आज इहां पं. दीनदयाल उपाध्याय ऑडिटोरियम म लोकगीत के संगेच शास्त्रीय संगीत के स्वरलहरी मन ह श्रोता मन ल दिनभर मंत्रमुग्ध करिस। लोकगीत मन म 15 ले 40 साल आयु वर्ग म 25 जिला अऊ 40 साल ले जादा आयु वर्ग म 16 जिला मन ह प्रस्तुति दीन। पं. दीनदयाल उपाध्याय ऑडिटोरियम म ही आयोजित हिंदुस्तानी अऊ कर्नाटक शास्त्रीय संगीत म युवा मन ह कई राग मन म अपन सुर ल साधिन।