Day: January 12, 2020

रायपुर, मुख्यमंत्री श्री भूपेश बघेल ले आज बिहनिया इहां ऊंखर निवास म भारत के सुप्रसिद्ध मुक्केबाज अऊ ओलंपिक पदक विजेता श्री विजेंदर सिंह ह सौजन्य मुलाकात करिन। मुख्यमंत्री ह उंखर छत्तीसगढ़ म स्वागत करिन अऊ ओ मन ल स्मृति चिन्ह भेंट करिन। श्री विजेंदर सिंह राजधानी रायपुर म स्‍वामी विवेकानंद के जयंती के अवसर म आयोजित तीन दिवसीय राज्य स्तरीय युवा महोत्सव म सामिल होए बर रायपुर पहुंचे हें।

हम नक्सली क्षेत्र मन म मनखे मन ल नांगर धरात हन, रोजगार ले जोड़त हन, नइ तो ओ मन बंदूक धरहीं रायपुर, मुख्यमंत्री श्री भूपेश बघेल ह कहिन हे कि राज्य सरकार के पाछू एक साल के योजना मन ले छत्तीसगढ़ के व्यापार अऊ उद्योग जगत म नवा उछाल आए हे। छत्तीसगढ़ मंदी के प्रभाव ले अछूता रहे हे। छत्तीसगढ़ के व्यापार अऊ उद्योग जगत म नहीं, भलुक नक्सली गतिविधि मन म मंदी आए हे। ओ मन ल भर्ती बर मनखे नइ मिलत हे। मुख्यमंत्री ह कहिन कि राज्य सरकार…