रायपुर, 28 जनवरी 2020। मुख्यमंत्री श्री भूपेश बघेल ले आज राजधानी रायपुर के स्वामी विवेकानंद विमानतल म बॉलीवुड के सुप्रसिद्ध फिल्म अभिनेता श्री धर्मेंद्र अऊ श्री रंजीत के सौजन्य मुलाकात होइस।
रायपुर, 28 जनवरी 2020। राज्यपाल सुश्री अनुसुईया उइके ह कहिन कि हम जऊन कमाथन, वोमा ले कुछ हिस्सा जरूरतमंद मन बर अवश्य दान करना चाही। दीन-दुखी मन के सेवा करे ले जिहां मन ल शांति मिलथे, उहें जरूरतमंद मन ल सहायता घलोक मिल जाथे। संगेच देश के विकास म घलोक महत्वपूर्ण योगदान हो जाथे। सुश्री उइके आज इहां एम्स हास्पिटल रायपुर तीर श्री सीताराम शकुन्तला देवी चेरीटेबल ट्रस्ट रायपुर कोति ले नवा बने मंगल भवन (श्रीराम सेवा सदन) के लोकार्पण समारोह ल संबोधित करत रहिन।
रायपुर, 28 जनवरी 2020। नगरीय प्रशासन अऊ श्रम मंत्री डॉ. शिव कुमार डहरिया ह आज अपन गृहगाम म परिवार संग मतदान करिन। हम आप ल बता देवन के त्रिस्तरीय पंचायत निर्वाचन-2020 के पहिली चरण के निर्वाचन अभनपुर विकासखण्ड के ग्राम छछानपैरी स्थित शासकीय उच्चतर माध्यमिक शाला भवन म म घलोक आयोजित रहिस। ये दौरान मंत्री डॉ. डहरिया के धर्मपत्नी संग ऊंखर आन परिवार के सदस्य मन वोट डारे बर उपस्थित रहिन।