रायपुर, 09 फरवरी 2020। मुख्यमंत्री श्री भूपेश बघेल ले ऊंखर राजधानी स्थित निवास कार्यालय म खाद्य मंत्री श्री अमरजीत भगत के सियानी म ईसाई मिशनरीज के प्रतिनिधि मण्डल ह सौजन्य भेंट करिस। प्रतिनिधि मण्डल म सरगुजा अऊ रायगढ़ जिला के ईसाई मिशनरीज संस्था के फादर सर्वश्री अमृत लाल टोप्पो, अन्तोनी बड़ा, लुसियन कुजूर अऊ अनुरंजन लकड़ा संग आन सामिल रहिन।
रायपुर, 09 फरवरी 2020। खाद्य अऊ संस्कृति मंत्री श्री अमरजीत भगत आज महासमुंद जिला के अंतर्गत सिरपुर म संस्कृति विभाग कोति ले आयोजित तीन दिवसीय राष्ट्रीय शोध-संगोष्ठी कार्यक्रम म सामिल होइन। उमन सिरपुर म स्थित सुप्रसिद्ध लक्ष्मण मंदिर के संगेच सुरंग टीला मंदिर अऊ तीवरदेव विहार के उत्खनित स्मारक मन के अवलोकन करिन।
रायपुर, 09 फरवरी 2020। मुख्यमंत्री श्री भूपेश बघेल आज राजधानी रायपुर के शहीद स्मारक म आयोजित सतनामी समाज के युवक-युवती परिचय सम्मेलन म सामिल होइन। मुख्यमंत्री ह ये बेरा म कहिन कि आज के व्यस्त जीवन शैली म विवाह के योग्य युवक-युवति मन के परिचय सम्मेलन के आयोजन समय के जरूरत हे। आज व्यस्तता के कारण मनखे सामाजिक गतिविधि मन ले कटत जात हे। अइसन म वर-वधू खोजे म अइसन आयोजन काफी सहायक हे। मुख्यमंत्री ह ये सम्मेलन के आयोजन बर आयोजन समिति के पदाधिकारी अऊ सदस्य मन ल बधाई…