रायपुर, 28 फरवरी 2020। मुख्यमंत्री श्री भूपेश बघेल ले आज इहां ऊंखर विधानसभा परिसर स्थित कार्यालय कक्ष म मध्यप्रदेश के सहकारिता मंत्री डॉ. गोविंद सिंह ह सौजन्य मुलाकात करिस।
मुख्यमंत्री ले मध्यप्रदेश के सहकारिता मंत्री ह करिस मुलाकात
Day: February 28, 2020
राज्यपाल ल किशनपुर के घटना के संबंध म ज्ञापन सौपे गीस
रायपुर, 28 फरवरी 2020। राज्यपाल सुश्री अनुसुईया उइके ले काली राजभवन म छत्तीसगढ़ राज्य महिला आयोग के सदस्य डॉ. ममता साहू के नेतृत्व म प्रतिनिधिमण्डल ह भेंट करिस। प्रतिनिधिमण्डल ह राज्यपाल ल ग्राम किशनपुर, थाना-पिथौरा, जिला-महासमुंद म पदस्थ महिला स्वास्थ्य कार्यकर्ता अउ ओखर पति अऊ दू मासूम लइका मन के मई 2018 म होए हत्या के संबंध म ज्ञापन सौपे गीस अऊ जरूरी कार्यवाही करे के आग्रह करे गीस।
दस दिन के लगही क्रॉफ्ट-बाजार, मंत्री गुरु रूद्रकुमार करहीं शुभारंभ
दुर्ग म 29 फरवरी ले 9 मार्च तक होही आयोजन रायपुर, 28 फरवरी 2020। ग्रामोद्योग मंत्री गुरू रूद्रकुमार 29 फरवरी के दुर्ग म आयोजित होवइया दस दिवसीय क्रॉफ्ट बाजार दुर्ग – 2020 के शुभारंभ करहीं। ये क्राफ्ट बाजार के आयोजन विकास आयुक्त (हस्तशिल्प) वस्त्र मंत्रालय भारत सरकार के सहयोग ले छत्तीसगढ़ हस्तशिल्प विकास बोर्ड कोति ले करे जात हे। क्रॉफ्ट बाजार 29 फरवरी ले 09 मार्च तक बिहनिया 11 बजे ले रतिहा 9 बजे तक आम जनता बर खुले रइही।