बलौदाबाजार,23 मार्च 2020। हार्ट अटैक आये ले एक पुलिस कर्मी के मउत होगे हे। पुलिसकर्मी ल अस्पताल म भर्ती कराये गए रहिस, जहाँ ईलाज के बेरा ओखर मउत होगे। जानकारी के अनुसार बीते रात बलौदाबाजार कोतवाली थाना म पदस्थ उपनिरीक्षक प्रेमलाल ध्रुव ल हार्ट अटैक आइस। भाटापारा आडील अस्पताल म भर्ती कराये गए रहिस, जहां ईलाज के बेरा ओखर मउत होगे।
कवर्धा, 23 मार्च 2020। कोरोना वायरस (कोविड-19) ल लेके सोशल मीडिया म अफवाह फैलाय म दू मनखे मन के खिलाफ कार्रवाई कर के जेल भेज देहे गए हे। वाट्स एप म कोरोना पीड़ित होए के भरमाए वाला जानकारी फैलाय म दू टूरा मन ल गिरफ्तार कर के जेल भेज देहे गए हे। एसपी ह जनता ले अपील करे हें के सोशल मीडिया म अफवाह झन फैलावव, कहूं नइ मानहू त कार्रवाई करे जाही। जानबा हे के इतवार के दुल्लापुर रानी के रहइया डीकेश सत्यवंशी ह वाट्स एप के माध्यम ले…
रायपुर, 23 मार्च 2020। मुख्यमंत्री बघेल ह कोरेना के खतरा ल देखत अउ कोविड-19 के रोकथाम खातिर शहरी क्षेत्र मन म 31 मार्च तक लॉक डाउन करे के घोषणा करे हें। उमन कहे हें के ये दौरान अतिआवश्यक सेवा जइसे मेडिकल शॉप, किराना दुकानें, जनरल स्टोर्स, सब्जी, दूध, पेट्रोल पंप खुले रइहीं। एखरे संग बिजली आपूर्ति, जल प्रदाय सेवाएं, घरेलु गैस आपूर्ति सेवा, नगर निगम के साफसफाई अऊ कचरा निपटान सेवा अऊ जरूरी वस्तु मन के कमर्शियल परिवहन सेवा घलोक पहिली के जइसे निर्बाध रूप ले काम करत रइही। नागरिक…