रायपुर, 24 अगस्त 2021। छत्तीसगढ़ सरकार ह आज राज्य प्रशासनिक सेवा के चार अफसर मनके तबादला करे हे। जारी सूची के मुताबिक सौमिल रंजन चौबे जनसंपर्क विभाग के उप सचिव के संगें-संग छत्तीसगढ़ संवाद के एडिश्नल सीईओ के जिम्मेदारी संभालहीं। उहें चिरमिरी नगर पालिका निगम के कमिश्नर योगिता देवांगन ल संयुक्त कलेक्टर बलौदाबाजार बनाए गए हे। दंतेवाड़ा के संयुक्त कलेक्टर आस्था राजपूत चिरमिरी निगम कमिश्नर के जिम्मेदारी संभालहीं।
जशपुर, 24 अगस्त 2021। सन्ना ले डूमरकोना जवइया रद्दा म सड़क हादसा होए हे। दू बाइक के आमने-सामने भिड़ंत हो गए हे। ये हादसा म दुनों बाइक सवार के घटना स्थल म ही मौत हो गए हे। पुलिस के मुताबिक एक बाइक सवार धौरापाठ निवासी मनोज यादव हे, जबकि दूसर मृतक के पहिचान नइ हो पाए हे। सन्ना थाना पुलिस मामला के जांच करत हे।
रायगढ़, 24 अगस्त 2021। कैलाश नाथ काटजू सरकारी स्कूल म चाकू ले हमला कर के एक स्कूली छात्र ल मौत के घाट उतार देहे गीस। हत्या के बाद आरोपी घटना स्थल ले फरार हो गीस। देखईया मन के के कहना हे के आरोपी स्कूल के भीतर घुसर के चाकू ले ताबड़तोड़ हमला करिस, जेखर से एक छात्र के मौत हो गे। मृत छात्र के नाम सागर टंडन बताए जात हे, जेन ये स्कूल के क्लास 9वीं के छात्र रहिस। छात्र ल स्कूल के आन छात्र मन ह ऑटो के सहायता…